An Guerra na Ruminaot sa Ika-19 Siglo
1914
SA PAGPENSAR sa bagong milenyo, si Charley Reese, kolumnista sa peryodiko para sa The Orlando Sentinel, nagsurat: “An guerra kan 1914-18 na ruminaot sa ika-19 siglo dai pa tapos.” Ano an boot niang sabihon? Sia nagpaliwanag: “An kasaysayan dai nagtatao nin ano man na atension sa mga kalendaryo. An ika-19 siglo—na tinawan nin kahulogan na mga paniniwala, suposisyon, aktitud asin moral—dai natapos kan Ene. 1, 1901. Iyan natapos kan 1914. Kan panahon man na iyan nagpoon an ika-20 siglo, na tinawan nin kaparehong kahulogan. . . .
“Haros gabos na ralaban na satong ikinahadit sa bilog niatong buhay naggikan sa guerrang iyan. An haros gabos na intelektuwal asin kultural na mga pangyayari na naeksperyensiahan niato resulta kan guerrang iyan. . . .
“Sa heling ko dakulaon an nagin danyos kaiyan huli ta rinaot kaiyan an paniniwala kan mga tawo na kayang kontrolon nin tawo an saindang kaaabtan. . . . Hinale kan guerra sa mga tawo an salang paniniwalang iyan. Mayo ni saro sa man-ibong-ibong na lado na nakaisip na siring an kaluluwasan kaiyan. Linaglag kaiyan an mga imperyo nin Britania asin Pransia. Ginadan kaiyan an pinakamarahay sa sarong bilog na henerasyon nin mga Britano, Pranses asin Aleman. . . . Sa halipot na panahon, iyan guminadan nin 11 milyones katawo.”
Sa laog nin labing 120 taon, itinokdo kan Mga Saksi ni Jehova na an 1914 iyo an katapusan kan inapod ni Jesus na “itinalaan na mga panahon kan mga nasyon.” (Lucas 21:24) Kan taon na iyan, an binuhay liwat asin pinamuraway na si Jesu-Cristo pinatukaw bilang Hade kan langitnon na Kahadean. Paagi sa Kahadean na iyan, permanente nang hahaleon ni Jehova Dios an gabos na pagdusa kan siglong ini.—Salmo 37:10, 11; Eclesiastes 8:9; Kapahayagan 21:3, 4.
[Pasasalamat para sa pinagkuanan kan retrato sa pahina 32]
Retrato kan U.S. National Archives