An Aldaw na Dapat Girumdomon

Kan banggi bago sia magadan, si Jesus nagpasa nin tinapay na daing lebadura asin kopa nin arak sa saiyang mga apostol asin pinagbotan sinda na kumakan asin uminom. Sinabihan man nia sinda: “Padagos na gibohon nindo ini sa paggirumdom sa sako.”—Lucas 22:19.

Ngonyan na taon an anibersaryo kan okasyon na ini natagbong Huebes, Abril 1, pagkasolnop kan saldang. An Mga Saksi ni Jehova sa bilog na kinaban magtitiripon sa espesyal na bangging ini tanganing selebraron an Memorial na ini oyon sa paagi na ipinagboot ni Jesus. Kamo maogmang marhay na iniimbitaran na umiba sa samuya. Ihapot tabi sa Mga Saksi ni Jehova sa lokal an eksaktong oras asin lugar kan espesyal na pagtiripon na ini.