Magbasa Kaiba kan Saindong mga Aki

Segun sa magasin sa Brazil na Veja, an mga aki kan mga mahigos magbasa mas may posibilidad na makapatalubo nin hilig sa mga libro kisa mga aki na mayo kan siring na halimbawa nin pagbasa sa harong. “Pinakokosog kan magkaibanan na pagbasa an kadayupotan sa pag-oltanan nin mga magurang asin aki asin nagpapangyari sa aki na ikalaog nin mas marahay sa saindang isip an nasa libro,” an sabi ni Martha Hoppe, sarong espesyalista sa pagtalubo nin aki.

An pagbasa nin makosog sa saindong mga aki nagtatao man sa saindo kan oportunidad na simbagon an mga hapot. Puede nindong ipaliwanag an arin man na retrato na yaon sa libro. “Mientras na orog na nasasabotan kan aki an mga laog kan mga libro,” an komento ni Hoppe, “orog man siang naeenganyo na hanapon an mga iyan kun gusto niang panigoan an saiyang interes.”

An dakol na magurang sa Mga Saksi ni Jehova naoogmang magbasa kaiba kan saindang mga aki. Puede nindang basahon an mga publikasyon na arog kan

My Book of Bible Stories, Paghinanyog sa Dakulang Paratokdo, asin The Greatest Man Who Ever Lived.a An mga libro na arog kaini bako sanang nagtatabang sa mga aki na magin matibay magbasa kundi pinahihiwas man an saindang interes sa pinakamabentang libro sa kinaban—an Banal na Biblia. Kun siring, kun kamo magurang, magtao nin halimbawa sa saindong mga aki paagi sa pagigin apisyonadong parabasa kan Tataramon nin Dios. (Josue 1:7, 8) Asin tunay nanggad, magtao nin panahon na basahan sinda!

[Nota sa Ibaba]