An Rasismo Asin Relihion

“KAN ako umabot sa E.U. kaidtong 1978, an paniniwala ko haloy nang naresolberan kan Amerika an mga problema kaiyan sa rasa, na an mga itom kapantay na mga siudadano,” an sinabi ni Mark Mathabane, sarong autor na namundag sa Aprika del Sur, sa sarong interbio kan magasin na Time. “Sa dakol na paagi, naheling ko na iyan totoo. An E.U. garo baga naeenot nin sanggatos na taon sa Aprika del Sur. Dangan nadiskobre ko, sa pagkabigla ko, na haros daing pagbabago sa puso nin mga tawo.” Ano an nagin dahelan kan nakabibigla na nadiskobre niang iyan?

“An alas 11 n.a. kun Domingo saro sa mga oras na pinakagrabe an segregasyon sa Amerika,” an sabi ni Mathabane. Napagmasdan nia na dawa nasa simbahan, an mga tawo magabat an boot na sumamba kaiba nin mga laen man an rasa. “Ano daw kun siring an saboot ninda sa ibang mga aldaw kan semana?” an hapot nia. Hinahagad an edukasyon bilang iyong makakapabago, sinabi ni Mathabane: “Paagi sa edukasyon ipinaaako sa saimo an pagkapantaypantay nin mga tawo.”

An Mga Saksi ni Jehova minaoyon na edukasyon an solusyon, alagad espesyalmenteng irinerekomendar ninda an edukasyon na basado sa Tataramon nin Dios. Iyo, tinatabangan sinda kan Biblia na haleon an mga kaolangan na prehuwisyo sa rasa—dawa sa kadagaan na lakop an etnikong pagkaongis. Serosemana sa saindang mga Kingdom Hall, iribang nagtitiripon an mga tawo na manlaenlaen an rasa asin nasyonalidad tanganing tokdoan manongod sa mga ley asin prinsipyo kan Tataramon nin Dios, an Biblia. Mayong pangongolekta sa mga pagtiripon na ini. Imbitado kamong umatender!