“An Pagsongko Ko sa Kingdom Hall”

Si Laura,a sarong estudyante sa kolehio, inasignaran na umatender sa sarong serbisyo relihioso asin magsurat nin report manongod sa saiyang eksperyensia. Pinili nia an Mga Saksi ni Jehova, asin tinawan nia nin titulo an saiyang komposisyon na, “An Pagsongko Ko sa Kingdom Hall.” Ano an nanompongan ni Laura na napapalaen manongod sa mga Saksi? Kabale sa dakol na sinambit nia an minasunod.

Mga aki: “An gabos na aki kairiba kan mga nasa edad na sa sarong kuarto. Sa gabos na iglesiang naatenderan ko, binabayaan kan mga aki an saindang mga magurang asin kaipuhan na umatender sa Pan-Domingong Eskuelahan sa Relihion.”

Pagkaoroyon nin rasa: “Sa parate, an kinukua nin mga iglesia mga miembro nin sarong rasa o grupong etniko. . . . Pero, an Mga Saksi ni Jehova magkairiba gabos na nagtuturukaw asin bakong grupo-grupo.”

Espiritu nin maogmang pag-ako: “Dakol an nagrani asin nakipag-olay sa sako. . . . May mga naghapot pa ngani sako kun may nagtotokdo na sako sa Biblia. Pero, dai ko namatean na pinipirit ninda ako. Ako an pinapagdesisyon . . . ninda.”

Daing pangongolekta: “An saro na talagang nakasorpresa sa sako iyo an bagay na mayo nin naghahagad nin donasyon. . . . An mga iglesia na nadumanan ko na naghahagad pa ngani nin mga donasyon sa mga klase para sa mga aki.”

Igwa nin haros 90,000 na kongregasyon kan Mga Saksi ni Jehova sa bilog na kinaban. Taano ta dai sumongko sa saro na pinakaharani sa saindo?

[Nota sa Ibaba]