Ibinalik Kaiyan an mga Singsing sa Saindang Moro

“HELINGA an sakong mga moro. May naheheling kang kalaenan?” Idinuhol nin sarong lalaki an saiyang kamot sa sarong babae, saro sa Mga Saksi ni Jehova, na hineling iyan asin tolos-tolos na nariparo na mayo na an saiyang singsing sa kasal. Ipinaliwanag nia na dai na sinda magkasundo kan saiyang agom na babae, kaya nagdesisyon sinda na magdiborsio. “Dai!” an sabi kan Saksi. “Kuana an librong ini asin basaha iyan. Makatatabang iyan sa saindong relasyon mag-agom.” Kadungan kaiyan, tinawan nia sia nin sarong kopya kan librong basado sa Biblia na Kaaraman na Minagiya Pasiring sa Buhay na Daing Katapusan.a

Pakalihis nin nagkapirang aldaw may kaogmahan na nagbalik an lalaki sa Saksi. Ipinaheling nia sa saiya an kamot nia. Ngonyan sulot na nia an saiyang singsing sa kasal. Sinabi nia sa saiya na binasa nindang mag-agom an librong Kaaraman asin na sinda ngonyan maogmang marhay. Ikinabalik kan libro sa literal na paagi an mga singsing sa saindang moro.

An hatol kan Biblia makatatabang sa agom na lalaki asin babae na magpaheling nin tunay na pagkamoot sa lambang saro. Ini huli ta an autor kan Biblia daing iba kundi an satong Kaglalang, na nagsasabi: “Ako, si Jehova, an saimong Dios, an Saro na nagtotokdo sa saimo na pakinabangon an saimong sadiri, an Saro na nagpapangyari sa saimo na maglakaw sa dalan na maninigo mong lakawan.”—Isaias 48:17.

[Nota sa Ibaba]