An Kristianong Pagkamoot—Bako Sanang sa Tataramon

KAN matumtom sa kasolo an saindang harong sa Trinidad, an pamilyang Bartholomew nawaran kan gabos na bagay apuera kan saindang buhay. An sarong paryente na nag-iistar sa harani nagpadagos sa sainda, alagad dai natapos dian an estorya.

Si Olive Bartholomew saro sa mga Saksi ni Jehova, asin an mga miembro kan kongregasyon na pinaglilingkodan nia—siring man an mga nasa palibot—nagpoon na magtao nin mga kontribusyon tanganing ikatogdok liwat an nawarang harong nia asin kan saiyang pamilya. Inestablisar an sarong komite na madirehir sa proyektong pagtogdok liwat, asin nagpoon an pagtogdok. Mga 20 Saksi, kaiba an nagkapirang kataed, an yaon. Dawa an mga hoben nakiayon man, mantang an iba yaon tanganing magpameryenda.

“Nabigla an pamilya ko,” an sabi ni Olive, siring sa ibinareta sa Sunday Guardian nin Trinidad. “Bako sindang Saksi, asin an sakong agom dai pa makapaniwala sa saiyang naheheling.”

Sa pagsumaryo kan paghihingoa, idinoon kan nagkokoordinar kan pagtogdok na an siring na mga gibo totoo nanggad na nagpapamidbid na tanda nin tunay na Kristianismo. “Dai sana kami naghaharongharong na nagtataram manongod sa pagkamoot,” an sabi nia. “Hinihingoa ming gibohon an samong ihinuhulit.”—Juan 13:34, 35.

[Ritrato sa pahina 32]

Si Olive Bartholomew kaiba an saiyang agom