Sarong Imbitasyon . . .

An Dios Pa daw an May Kontrol?

NATURAL na mga kalamidad, nakakagadan na mga helang, karatan kan mga nasa halangkaw na posisyon, pag-atake nin mga terorista, mga guerra, krimen. Dai nanggad minalihis an sarong aldaw na dai niato nadadangog an arog kaining mga bareta. Baga man personalmente kamong naapektaran kan arog kaiyan na mga bagay o dai, papaisipon kaiyan an saro kun saen na nanggad pasiring an kinaban asin kun baga marahay pa an mga bagay-bagay.

Tanganing masimbag an siring kaiyan na mga kinapupurisawan, an Mga Saksi ni Jehova sa labing 200 na nasyon sa bilog na kinaban may ipepresentar na napapanahon na pampublikong diskurso na may titulong “An Dios Pa daw an May Kontrol?” Totokaron kaiyan kun ano an sinasabi asin ipinapanuga nin Dios sa saiyang dai nasasalang Tataramon, an Biblia, mapadapit sa mahalagang marhay na mga hapot na ini:

Interesado daw an Dios sa mga gibo-gibo sa daga?

Ano an namamatean nia manongod sa katawohan?

May pagmakolog daw sia sa ikakarahay nindo?

Sa kadaklan na lugar, an pahayag itatao sa Domingo, Abril 30, 2006, sa Kingdom Hall kan Mga Saksi ni Jehova. An mga Saksi sa lugar nindo maoogmang itao sa saindo an oras asin adres.

Maogma kamong iniimbitaran na mag-atender sa nakakaparigon sa boot asin daing bayad na diskursong ini na basado sa Biblia na matao nin nakakakontentong simbag sa hapot na: An Dios Pa daw an May Kontrol?