Mga Laog

Pag-uulayan sa artikulong ini kun paano ta magagamit an satong materyal na mga pagsadiri tanganing ‘magkaigwa nin mga amigo’ sa langit. (Luc. 16:9) Tutukaron man kaini kun paano ta malilikayan na magin uripon kan mahanab na komersiyo kan kinaban asin kun paano kita lubos na makakapaglingkod ki Jehova sa abot kan makakaya ta.

Paano makakayanan nin sarong Kristiyano an kulog na dara kan pagkagadan nin sarong mahal sa buhay? Nagtatao si Jehova nin kinakaipuhan na marhay na karangahan paagi ki Jesu-Cristo, sa Bibliya, asin sa kongregasyon. Ipapahiling kan artikulong ini kun paano makakakua nin karangahan kun kita o an iba magadanan nin mahal sa buhay.

Pauruutrong dinadagka kan Salmo 147 an mga lingkod nin Diyos na umawon si Jehova. Anong mga bagay dapit ki Jehova an nakapahangang marhay sa salmista kaya gustong-gusto niyang umawon an Diyos? Ipapaliwanag iyan kan artikulong ini, asin ipapahiling man kaini kun taano ta dapat man na mawuton niyatong umawon an satong Diyos.

Dakul na hoben na brother asin sister an naglalaog sa bilog na panahon na paglilingkod. Iyan man daw an gusto mo? Matao an artikulong ini nin marahay na sadol hali sa Kasuratan na makakatabang sa saimo na gumibo nin plano para sa sarong maugma asin marahayon na puturo.