Mga Laog

Kun pagmati ta dai ta na kaya an mga problema, ano an puwede niyatong gibuhon? Pag-uulayan sa artikulong ini an satong teksto para sa taon 2018 asin ipapahiling kun taano ta kaipuhan niyatong tawan si Jehova nin oportunidad na pakusugon kita asin kun paano niya iyan ginigibo.

An taunan na pagselebrar kan Memoryal kan kagadanan ni Cristo gigibuhon sa Sabado, Marso 31, 2018. Paano kita maandam para sa okasyon na ini, paano kita makikinabang sa pag-atender diyan, asin paano an taunan na okasyon na iyan nakakakontribwir sa pagkasararo kan mga lingkod nin Diyos sa bilog na daga? Aramon an simbag sa artikulong ini.

An gabos na yaon sa sato hali ki Jehova. Pero linalauman pa man giraray niyang gagamiton ta an satong mahalagang mga bagay sa pagsuportar sa gibuhon kan saiyang organisasyon ngunyan. Pag-uulayan sa artikulong ini kun taano asin paano kita makikinabang sa pagtao nin onra ki Jehova paagi kan satong mahalagang mga bagay.

Tutukaron sa inot na artikulo kun paanong an tunay na kaugmahan minagikan sa pagkamuot sa Diyos bakong sa palsipikadong mga klase nin pagkamuot na magigin risang-risa sa “huring mga aldaw.” (2 Tim. 3:1) Ipapaliwanag sa ikaduwang artikulo kun paano napapalain na marhay an mga ugali kan mga tawo sa huring mga aldaw sa mga ugaling mahihiling sa mga lingkod nin Diyos.