Mga Laog

Dakul ngunyan an hinihinguwang makamtan an pagmidbid kan maraot na kinaban na ini. Tutukaron kan artikulong ini kun taano ta dapat na padagos niyatong hinguwahon na makamtan an pinakanangungurog na klase nin pagmidbid—an pagmidbid na itinatao ni Jehova sa saiyang maimbod na mga lingkod. Tutukaron ta man kun paano ipinapahiling ni Jehova an pagmidbid na ini, na kun minsan sa mga paaging dai nanggad inaasahan.

Sa artikulong ini, pag-uulayan ta kun taano ta naiwara ni Moises an pribilehiyong makalaog sa Dagang Panuga. Maaaraman ta man kun paano niyato malilikayan an arog kan nangyari ki Moises.

May deretso si Jehova na sabihon na sadiri niya an gabos na tawo. Kaya, hinahagad niya sa sato na siya sana an sambahon. Pero may mga tawo na bakong makinuyog sa Diyos mantang nagsasagin na maimbod sa saiya. Sa inot na artikulo, may manunudan kitang mahalagang marhay na mga leksiyon sa mga istorya sa Bibliya dapit ki Cain, Solomon, Moises, asin Aaron. Sa ikaduwang artikulo, tutukaron ta an manlain-lain na paagi na maipapahiling ta an pagpapahalaga sa pribilehiyong magin sadiri ni Jehova bilang saiyang banwaan.