Mga Laog

Magigin kapaki-pakinabang sana an kaaraman kun iaaplikar ta iyan. Pero kaipuhan an kapakumbabaan para magibo ini. Dadagkahon kita kan artikulong ini na magdanay na mapakumbaba paagi sa pag-arog sa mga halimbawa sa Bibliya kan mga naghulit sa gabos na klase nin tawo, ipinamibi an iba, asin naghalat na humiro si Jehova.

Sa masakit na mga panahon na ini, huli sa mga kadipisilan sa buhay tibaad pangluyahan kita nin buot o makamating dai ta na iyan kaya. Tinatabangan kita ni Jehova asin ni Jesus na makayanan an mga iyan. Pero paninimbagan niyato gabos na rangahon asin pakusugon an lambang saro. Ipapahiling kan artikulong ini kun paano niyato mapapakusog an lambang saro paagi sa pagkamuot.

Si Jehova sarong maugmang Diyos na gustong magin maugma an saiyang mga lingkod. Pero, puwede daw kitang magin maugma sa ibong kan mga pagbalo asin mga problema sa kinaban ni Satanas? Sa Sermon sa Bukid, nagtao si Jesus nin praktikal na mga sadol na makakatabang sa sato na magdanay na maugma.

Sa kinaban na ini na lalong nagigin makasadiri an mga tawo, napapalain na marhay an Kristiyanong kongregasyon huling risang-risa diyan an pagkamuot. An sarong aspekto kan pagkamuot na iyan iyo an pagigin makonsiderasyon, na iyo an tema kan duwang artikulong ini. Inot, aaramon ta kun paano nagpahiling si Jehova nin marahayon na halimbawa sa pagigin makonsiderasyon. Dangan, pag-uulayan ta an pirang praktikal na paagi kun paano ta siya maaarog.