101,735 Parahayag kan Abril!

35,424 Gabos an Nakikabtang sa Bilog na Panahon na Paglilingkod!

An report kan Abril nagdadara nin kagayagayahan sa satong puso! Kanigoan kadakulang pribilehiyo na maigot na makikabtang sa kadakol na marahay na mga gibo! (Tito 2:14) Pinasasalamatan asin inoomaw niato si Jehova para sa pagbendisyon sa satong mga paghihingoa. An dakulang patotoong ikinatao maririsa sa report na nasa ibaba:

Total na Parahayag: 101,735. 5,989 an kalabihan kaini sa Abril, 1986.

Total na Auxiliary asin Regular Payunir: An total na kabilangan kan mga auxiliary payunir 21,567—2,332 an kalabihan sa satong nakaaging peak kan Abril, 1986. An total na regular payunir 13,119, na, kun iiiba sa mga espesyal asin auxiliary payunir may total na 35,424 sa bilog na panahon na paglilingkod. Ini 35% kan total na parahayag na nagreport!

Total na Oras: 2,987,434. 269,438 an kalabihan kaini sa Abril, 1986.

Pagdalaw Liwat: 685,254. 57,202 an kalabihan kaini sa Abril, 1986.

Pag-adal sa Biblia: 84,030. 10,452 an kalabihan kaini sa Abril, 1986.

An nagibo niato kan Abril, kun idudugang sa ginigibo sa bilog na kinaban, nagrerepresentar nin marahay na espiritu nin debosyon asin pagsasakripisyo sa sadiri. Idinodoon kaiyan, siring sa ihinula ni Jesus, na an saiyang mga parasunod magibo nin ‘orog na mga gibo’ sa pagtao nin patotoo sa Kahadean. (Juan 14:12) Kita logod gabos padagos na magayagayang makikabtang sa siring na “mga gibo” sa ikamumuraway nin Dios.