Hapot

● Maninigo daw na sumurat sa Sosiedad o sa mga sanga kaiyan na naghahagad nin mga adres kan mga tawong gusto nindong suratan sa negosyo o ibang personal na bagay?

An gabos na adres na yaon sa sarayan (file) kan Sosiedad asin sa sarayan kan kongregasyon kompidensial asin dai ikakaluwas para sa personal na gamit. Kun siring, mayo nin siisay man na masurat sa Sosiedad o sa mga sanga kaiyan, na naghahagad nin siring na impormasyon.

An kongregasyon kaipuhan iturohok iyan sa katuyohan asin trabahong imbuwelto an satong bilog na kalag na pagdusay ki Jehova asin sa paggibo kan saiyang kabootan. Ni an Sosiedad o an kongregasyon maimbuwelto sa pagsuportar o pagpalakop nin negosyo. An siring na hanapbuhay kaipuhan estriktong ibilang na pribadong komersial na proyekto. An mga parahayag na nagmamawot na sumurat sa mga tugang sa ibang mga siudad asin tibaad ibang nasyon maninigong sinda mismo an maghanap.