Mga Paisi
● Alok na literatura sa Enero asin Pebrero: Lumang mga publikasyon an iaalok sono sa lenguahe, siring kan minasunod: Bicol: Librong Truth sa kontribusyon na ₱7.00; Cebuano: Librong True Peace o Happiness sa kontribusyon na ₱14.00; Hiligaynon, Pangasinan asin Samar-Leyte: Good News to Make You Happy sa kontribusyon na ₱2.50; Iloko asin Tagalog: Worldwide Security Under the “Prince of Peace” sa kontribusyon na ₱14.00. Marso: Librong Revelation sa kontribusyon na ₱42.00. Abril asin Mayo: Suskripsion sa Watchtower sa kontribusyon na ₱60.00 (₱30.00 sa Bicol).
● Sa Enero asin Pebrero, an librong Good News to Make You Happy iaalok sa kontribusyon na ₱2.50 sa Hiligaynon, Pangasinan asin Samar-Leyte. An iyo man sanang halaga aplikado sa arin man na ibang newsprint na panbulsang libro na tibaad igwa kamo sa istak. An halaga sa payunir kan mga librong ini 70¢. Siring man, an librong Truth sa Bicol iaalok sa kontribusyon na ₱7.00 asin an halaga sa payunir kaini ₱3.50. Kun iwinawaras an mga librong ini sa espesyal na halaga, tabi siertohon na maghagad nin credit para sa mga kinua kan mga payunir asin parahayag, na ipinaheheling an mga ini sa laen na mga linya sa pormang Remittance and Credit Request (S-20).
● An pagselebrar kan Memorial gigibohon sa Martes, Abril 10, 1990, pagkasolnop kan aldaw. Minsan siring na an pahayag puwedeng magpoon nin mas amay, tabi girumdomon na an pagpasa kan tinapay asin arak kan Memorial maninigong dai magpoon sagkod na matapos an pagsolnop kan aldaw. Mayong ibang pagtiripon an maninigong gibohon sa petsang iyan. Kun an saindong kongregasyon igwa nin isinasagibong pag-adal sa libro kun Martes, maninigo nindong gibohon ini sa ibang aldaw durante kan semana kan Memorial. An mga imbitasyon sa Memorial ipadadara sa kada kongregasyon sa tamang panahon, kaya dai ini dapat pedidohon.
● Tabi pedidohon an ano man na ekstrang magasin para sa espesyal na kampanya sa Abril asin Mayo sa katapusan kan Enero tanganing masierto na akoon an mga ini sa tamang panahon. Aapresyaron niamo an amay nindong atension sa bagay na ini, na kinokonsiderar an dakol na auxiliary payunir na maglilingkod sa mga bulan na iyan.
● May nagkapirang pagbabago na gigibohon sa ngapit na pag-imprinta kan librong Mabuhay Sagkod Lamang. An solamenteng risang gayong pagbabago iyo an manongod sa mga taga-Sodoma, sa pahina 178 asin 179. An pagbabagong ini nagluwas na sa librong Revelation, sa pahina 273, asin sa Watchtower kan Hunyo 1, 1988, pahina 30 asin 31. Tibaad mawot nindong mangnohon ini sa mas amay na mga inimprinta na yaon saindo.