Teokratikong mga Bareta

◆ An Australia naogmang magreport nin bagong peak na 51,152 na parahayag, 5.3% an ilinangkaw sa iyo man sanang bulan kan nakaaging taon.

◆ An Hong Kong nagreport nin bagong peak na 2,032 na parahayag. An total na 4,511 suskripsion na nakua labing doble sa kabilangan nin nakua kaidto sa laog nin sarong bulan.

◆ An Taiwan nagreport nin 7-porsientong pag-oswag na may 1,594 naglingkod. An mga parahayag sa kongregasyon nagpromedyo nin 12.2 oras sa ministeryo.

◆ An Nigeria nagreport nin 139,150 parahayag, an ikaduwa nindang peak sa taon na ini nin paglilingkod. Nagkaigwa man sinda nin bagong peak na 9,244 regular payunir asin 183,701 pag-adal sa Biblia.

◆ An pandistritong mga kombension sa Solomon Islands inatenderan nin 2,339, na may 37 nabautismohan. An peak sa parahayag 777.

◆ An 34 “Diosnon na Debosyon” na Pandistritong mga Kombension digdi sa Pilipinas inatenderan nin peak na 223,584, na may 3,171 nabautismohan.

◆ An Papua New Guinea nagkaigwa nin 9-porsientong pag-oswag na may nagreport na bagong peak na 2,272 na parahayag.