Mga Paisi
● Alok na literatura sa Enero asin Pebrero: Mas daan na mga libro sono sa tataramon, arog kan minasunod: Ingles: Librong Worldwide Security sa kontribusyon na ₱16.00. Bicol: Librong Truth sa kontribusyon na ₱8.00. Cebuano: Librong Happiness sa kontribusyon na ₱16.00. Hiligaynon: Librong Good News to Make You Happy sa kontribusyon na ₱2.50. Iloko: Librong Happiness sa kontribusyon na ₱16.00. Samar-Leyte: Librong Good News to Make You Happy sa kontribusyon na ₱2.50. Tagalog: Librong Happiness o True Peace sa kontribusyon na ₱16.00. Marso: Librong Revelation sa kontribusyon na ₱48.00. Abril asin Mayo: Sarong taon na suskripsion sa The Watchtower sa kontribusyon na ₱70.00 (₱35.00 sa Bicol).
● Sa Enero asin Pebrero, an librong Good News to Make You Happy iaalok sa kontribusyon na ₱2.50 sa Hiligaynon asin Samar-Leyte. An halaga sa payunir kan mga librong ini 70¢. Siring man an librong Truth sa Bicol iaalok sa kontribusyon na ₱8.00 asin an halaga sa payunir kaini ₱4.00. Kun iwinawaras an mga librong ini sa espesyal na halaga, tabi siertohon na maghagad nin credit para sa mga kinua kan mga payunir asin parahayag, na ipinaheheling an mga ini sa laen na mga linya sa pormang Remittance and Credit Request (S-20).
● An pagselebrar kan Memorial gigibohon sa Sabado, Marso 30, 1991, pagkasolnop kan aldaw. Minsan siring na an pahayag puwedeng magpoon nin mas amay, tabi girumdomon na an pagpasa kan tinapay asin arak kan Memorial maninigong dai magpoon sagkod na matapos an pagsolnop kan aldaw. Mayong ibang pagtiripon an maninigong gibohon sa petsang iyan. Kun an saindong kongregasyon igwa nin isinasagibong pagtiripon kun Sabado, maninigo nindong gibohon ini sa ibang aldaw durante kan semana kan Memorial. An mga imbitasyon sa Memorial ipadadara sa mga kongregasyon sa tamang panahon, kaya dai ini dapat pedidohon.
● Tabi pedidohon an ano man na ekstrang magasin para sa espesyal na kampanya sa Abril asin Mayo sa katapusan kan Enero tanganing masierto na akoon an mga ini sa tamang panahon. Aapresyaron niamo an amay nindong atension sa bagay na ini, na kinokonsiderar an dakol na auxiliary payunir na maglilingkod sa mga bulan na iyan.
● An espesyal na pahayag publiko sa taon na ini ipapahayag sa bilog na kinaban sa Domingo, Abril 7, 1991 sa temang, “An Pagdatong kan Mesiyas Asin an Saiyang Pamamahala.” An outline ipadadara sa kada kongregasyon sa pinakamadaling panahon na mapupuwede. An mga kongregasyon na may dalaw kan paraataman sa sirkito sa petsang iyan o may pansirkito o espesyal na asamblea na nakaiskedyul maninigong gibohon an saindang espesyal na pahayag publiko sa masunod na semana. Mayong kongregasyon an maninigong magkaigwa nin espesyal na pahayag bago an Abril 7.