Hapot

◼ Ano an magigibo tanganing masierto na dai bumaba an satong aktibidad sa Disyembre dawa kita magkaigwa nin mga pandistritong kombension?

Enot, irinirekomendar mi na an gabos pumoon nin amay sa bulan. An Disyembre 1 Domingo, asin may limang Domingo sa laog kan bulan, kaya dawa kita mag-atender nin pandistritong kombension sa sarong katapusan kan semana, igwa pa kita nin apat na Domingo para sa paghuhulit. An dakol tibaad makapag-auxiliary payunir pa ngani, na naghihingoang maabot an pasohan nindang 60 oras bago an kombension.

Ikaduwa, kun nagbibiyahe pasiring sa kombension, humanap nin mga oportunidad na makatao nin impormal na pagpatotoo. An pagbugtak kan saindong lapel card mantang nagbibiyahe parateng nagbubunga nin orolay. Seguradohon na magdara nin mga magasin, brochure, o tract na ikaaalok sa saindong manonompongan. Sa lugar kan kombension, tibaad makapatotoo kamo nin impormal sa mga dadagusan nindo o sa mga masasabatan nindo sa tinampo.

Ultimo, dai paglingawan na ireport an saindong aktibidad. Kun an kombension nindo sa paghinanapos nin Disyembre o sa Enero, o kun mayo kamo sa saindong kongregasyon sa Disyembre 31, marahay na itao an saindong report sa saindong kongregasyon bago kamo humale pasiring sa kombension.

Siertohon niato sa taon na ini na kita gabos may lubos na kabtang sa ministeryo sa Disyembre asin na kaiba an satong report sa katapusan kan bulan. An paggibo kaiyan magbubunga nin dakulang kagayagayahan asin kan nagsosopay na bendisyon ni Jehova.