Mga Paisi

◼ Alok sa Agosto asin Setyembre: Arin man sa mga brochure. (An kontribusyon sa Agosto ₱4.80, pero magigin ₱6.00 magpoon sa Setyembre 1.) Oktubre: Sarong taon na suskripsion sa Awake! sa kontribusyon na ₱80.00. Nobyembre: Mankind’s Search for God sa kontribusyon na ₱30.00.

◼ Huli sa naglalangkaw na kantidad kan paggibo kan satong mga publikasyon, an halaga sa literatura asin magasin ilalangkaw poon sa Setyembre 1, 1992. Ipadadara na separado sa kada kongregasyon an apat na kopya kan bagong Watch Tower Publications List na nagpapaheling kan bagong mga halaga. Kaipuhan na tawan nin tigsararong kopya an paraataman kan literatura, paraataman kan magasin, asin paraataman kan kuwenta, asin iwawalat an sarong kopya sa file kan kongregasyon. Tabi iapon an gabos na daan na Cost List tanganing malikayan an pagkalibong.

◼ An kada kongregasyon maresibi nin duwang pormang Literature Inventory (S-18) kaiba an saindang accounts statement sa Hunyo. Tabi aktuwal na bilangon an gabos na literaturang nasa istak asin llenaran nin kompleto an mga porma, na ibuwelta an orihinal sa Sosyedad dai malihis sa Setyembre 6. Sarayon an duplikado sa saindong file. Importante: Maririsa nindo na an halaga sa pormang Literature Inventory presenteng mga halaga, bakong an mga bago. Tabi gamiton an mga halagang ini kun kinukuwenta an kantidad kan saindong literaturang nasa istak asin dai liwaton an mga iyan sa bagong halaga kan literatura. Kun maresibi na an mga pormang ini sa sangang opisina, sisingilon kan Sosyedad an kongregasyon para sa diperensia sa halaga kan mga literaturang nasa istak poon sa Agosto 31, 1992.

◼ An sekretaryo asin paraataman sa paglilingkod maninigong llenaran an Congregation Analysis Report (S-10) asin ipadara iyan sa Sosyedad oras na makompleto an report sa Agosto. Pasabot: Seguradohon na llenaran an sa ibong kan porma na naghahagad nin impormasyon manongod sa mga regular payunir asin sa saindang total na oras sa taon nin paglilingkod. Sarayon an duplikado sa saindong file.

◼ An kuwenta kan kongregasyon maninigong siyasaton kan nangengenot na paraataman o nin saro na ninombrahan nia sa Setyembre 1 o sa pinakamadaling panahon pakalihis kaiyan.

◼ An mga nagpaplanong pumoon na magregular payunir sa Setyembre 1 maninigong pumirma na tolos sa aplikasyon asin itao iyan sa kamagurangan tanganing mapag-olayan. Pakatapos na an aplikasyon inaprobaran asin pinirmahan kan Komite sa Paglilingkod kan Kongregasyon, iyan maninigong ipadara sa Sosyedad amay pa sa Agosto tanganing maresibi an aprobasyon sa Setyembre 1.