Mga Paisi

◼ Alok sa Oktubre: Sarong taon na suskripsion magsalang sa Awake! o sa The Watchtower sa kontribusyon na ₱80.00 (sa Bicol, ₱40.00). Nobyembre: Mankind’s Search for God sa kontribusyon na ₱30.00. Disyembre: New World Translation kaiba an librong The Bible​—God’s Word or Man’s sa kontribusyon na ₱100.00. Enero: The Greatest Man Who Ever Lived sa kontribusyon na ₱60.00. PASABOT: An mga kongregasyon na dai pa naghagad kan mga pankampanya na sinambit sa itaas maninigo na humagad na sa saindang masunod na bulanan na Literature Request Form (S-14).

◼ An mga parahayag na nagpaplanong mag-auxiliary payunir sa Nobyembre kaipuhan na itao an saindang aplikasyon na amay pa. Totogotan kaini an mga magurang na gumibo nin kinakaipuhan na mga areglo para sa literatura asin teritoryo.

◼ Sa pahina 103-4 kan Organized to Accomplish Our Ministry, itinao an instruksion kun ano an puwedeng iiba sa pagreport kan oras sa paglilingkod sa langtad. An iba naghapot kun baga an parahayag na interprete kan espiker na nagtatao nin pahayag sa publiko puwedeng ireport an oras. Iyo, kapwa an espiker asin an interprete puwedeng iiba sa saindang report nin paglilingkod sa langtad an oras na ginamit.

◼ Mantang kadakol kan nagmamakolog dapit sa mga namomotan na nagadan sa Oktubre 31 asin Nobyembre 1, marahay na gamiton an tract na What Hope for Dead Loved Ones, asin an brochure man na Spirits of the Dead kun naghuhulit sa harong-harong o sa mga sementeryo sa mga aldaw na ini.