Mga Paisi

◼ Alok sa Enero: The Greatest Man Who Ever Lived sa kontribusyon na ₱60.00. Pebrero: Puwede Kamong Mabuhay Sagkod Lamang sa Paraiso Digdi sa Daga, an dakulang edisyon sa Ingles sa kontribusyon na ₱60.00, an sadit na edisyon sa kontribusyon na ₱30.00. Marso: Revelation​—Its Grand Climax at Hand! sa kontribusyon na ₱60.00. Abril asin Mayo: Sarong taon na suskripsion sa An Torrengbantayan sa kontribusyon na ₱80.00. PASABOT: An mga kongregasyon na dai pa naghagad kan mga pankampanya na sinambit sa itaas maninigo na humagad na sa saindang masunod na bulanan na Literature Request Form (S-14).

◼ An Enero iyo an panahon na bagohon an satong mga Medical Document asin Identity Card para sa 1993. Siring man, an gabos na bago pa sanang mabautismohan na miembro kan kongregasyon kaipuhan na tawan nin card, siring man an mga dai pa bautisadong minor de edad na kaakian nin mga magurang na Saksi. Tabi repasohon kan sekretaryo an surat sa gabos na kongregasyon na may petsang Nobyembre 1, 1991 kun paano lillenaran an mga card na ini, asin tawan nin card an gabos na nangangaipo. Kun kinakaipuhan, pumedido pa sa Sosyedad.

◼ An pagselebrar kan Memorial gigibohon sa Martes, Abril 6, 1993, pagkasolnop kan aldaw. Minsan ngani an pahayag puwedeng magpoon nin mas amay, tabi girumdomon na an pagpasa kan tinapay asin arak kan Memorial maninigong dai magpoon sagkod na dai pa nakasosolnop an aldaw. Mayong ibang pagtiripon an maninigong gibohon sa aldaw na iyan. Kun an saindong kongregasyon igwa nin pag-adal sa libro kan kongregasyon o iba pang pagtiripon sa aldaw na iyan, maninigong iiskedyul iyan sa ibang aldaw sa semanang iyan. An mga imbitasyon sa Memorial ipadadara sa mga kongregasyon kun naimprenta na.