Mga Paisi
◼ Alok sa Setyembre: Puwede Kamong Mabuhay Sagkod Lamang sa Paraiso Digdi sa Daga, an dakulang edisyon sa Ingles sa kontribusyon na ₱60.00, an sadit na edisyon sa kontribusyon na ₱30.00. Oktubre: Sarong taon na suskripsion sa Awake! sa kontribusyon na ₱80.00. Nobyembre: Puwede Kamong Mabuhay Sagkod Lamang sa Paraiso Digdi sa Daga, an dakulang edisyon sa Ingles sa kontribusyon na ₱60.00, an sadit na edisyon sa kontribusyon na ₱30.00. Disyembre: An Biblia na New World Translation kaiba an The Bible—God’s Word or Man’s? sa kontribusyon na ₱100.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Request Form (S-14).
◼ An mga paraataman sa sirkito matao nin pahayag-publiko na “Pagheling sa mga Hobenes Gikan sa Punto-de-vista ni Jehova” kun nagdadalaw sa mga kongregasyon poon sa Oktubre.
◼ Kaoyon sa sinabi sa Torrengbantayan na Mayo 1, 1991, pahina 17, parapo 13 (sa Ingles, Abril 15, 1991, pahina 23, parapo 13), iaareglo kan mga magurang amay pa sa bagong taon nin paglilingkod na konsideraron an pagdalaw sa mga natiwalag o nagdis-asosyar na labi nang sarong taon. (Mga magurang, tabi repasohon an Torrengbantayan na ini asin man an surat kan Marso 20, 1991 dapit sa bagay na ini.)
◼ Puwede nang ipadara ngonyan sa Sosyedad an mga pedido para sa 1994 Yearbook asin kalendaryo. Ipapadara niamo an espesyal na Yearbook and Calendar Order Blank sa kada kongregasyon kaiba kan Statement of accounts sa Hulyo. Pagkaresibi nindo kaini, llenaran asin ibuwelta iyan sa Sosyedad tanganing umabot iyan sa sangang opisina dai malihis sa Oktubre 1. An kontribusyon sa Yearbook ₱30.00. An mga regular asin espesyal payunir na nasa lista poon kan Hulyo 1, 1993 o bago pa kan petsang iyan puwedeng umako nin libreng kopya kan Yearbook, asin an kongregasyon mahagad nin credit para kaini sa pormang Remittance asin Credit Request (S-20) pagpadara ninda nin bayad pagkaresibi kan mga Yearbook. An mga payunir puwedeng kumua nin dagdag na kopya na iwawaras sa mga tawong dai pa nagdusay sa kantidad na ₱20.00 an saro. Tabi iseparar an libreng mga kopya sa mga kinua sa kantidad sa payunir kun naghahagad nin credit. An kalendaryo ₱20.00 asin mayo digdi nin kantidad sa payunir, ni may itinatao man na libre sa mga payunir.
◼ Maninigong ipadara na man ngonyan an mga pedido sa “Pagsiyasat sa Kasuratan Aroaldaw”—1994. Ipupublikar ini sa gabos na tataramon. Ipapadara niamo an espesyal order blank para kaini kaiba kan statement sa Hulyo. Tabi llenaran ini, na ipinaheheling kun pira an kaipuhan nindo sa kada tataramon, asin ibuwelta iyan sa Sosyedad dai malihis sa Oktubre 1. An kontribusyon ₱10.00 sa mga parahayag. Puwedeng tawan nin sarong libreng kopya an kada espesyal asin regular payunir na nasa lista poon kan Hulyo 1, 1993. An ekstrang mga kopya sa payunir ₱5.00. Maninigong hagadon an credit arog kan sa Yearbook.