Mga Paisi
◼ Alok sa Abril asin Mayo: Sarong taon na suskripsion sa An Torrengbantayan sa kontribusyon na ₱80.00. Hunyo: Life—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. (Para sa mga dai nakakataram nin Ingles, puwedeng ialok bilang pansalida an The Bible—God’s Word or Man’s? sa Tagalog sa kontribusyon na ₱20.00.) Hulyo asin Agosto: Arin man sa mga brochure sa kontribusyon na ₱6.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Request Form (S-14).
◼ Puwede nang ipadara an mga pedido para sa 1993 na mga tomo kan Watchtower asin Awake! Oras na maresibi an mga pedido ililista ini sa invoice na mamarkahan nin “back-ordered.” Dai iyan sisingilon sa kuwenta sa panahon na iyan. Oras na maresibi an mga tomo hale sa Brooklyn sisingilon iyan sa saindong kuwenta asin ipadadara sa kongregasyon.
◼ An maigot na paghihingoa maninigong gibohon sa pagsongko sa gabos na nag-atender sa Memorial kan Marso 26 tanganing probaran na makapoon nin pag-adal sa Biblia. Tabangan sinda na maheling an pangangaipo na umatender nin regular sa mga pagtiripon, bako sanang sarong beses sa sarong taon.
◼ An gabos na kongregasyon sa Bicol, Pangasinan, asin Samar-Leyte pag-aadalan an librong The Greatest Man Who Ever Lived sa mga pag-adal sa libro kan kongregasyon poon sa semana nin Hunyo 6-12, 1994. An materyal iseserye sa kada luwas kan An Torrengbantayan sa mga lenguaheng ini, na mapoon sa luwas na Mayo 1, 1994.
◼ An gabos na parahayag pinakokosog na pumoon nin amay sa paglilingkod sa Abril, na nagmamaigot na gumamit nin mas dakol na oras sa paglilingkod sa langtad kisa sa dati. Puwedeng gumibo nin mga pakikiolay na makaibanan an mga nag-auxiliary payunir ngonyan na bulan. Siring man, an mga nagkokondukta kan pag-adal sa libro maninigong siertohon na an gabos sa saindang mga grupo makikabtang sa paglilingkod bago matapos an bulan. Sa katapusan kan Abril tabi tolos na itao an saindong mga report.