Mga Paisi
◼ Alok sa Agosto: Arin man sa mga brochure sa kontribusyon na ₱6.00. Setyembre: Puwede Kamong Mabuhay Sagkod Lamang sa Paraiso Digdi sa Daga, an dakulang edisyon sa Ingles sa kontribusyon na ₱60.00, an sadit na edisyon sa kontribusyon na ₱30.00. Oktubre: Sarong taon na suskripsion sa Awake! sa kontribusyon na ₱80.00. Nobyembre: New World Translation sa Ingles o Ang Banal na Kasulatan kaiba an The Bible—God’s Word or Man’s? sa kontribusyon na ₱100.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).
◼ An kada kongregasyon makakaresibi nin duwang porma nin Literature Inventory (S-18) kaiba kan saindang accounts statement sa Hunyo. Tabi aktuwal na bilangon an gabos na literaturang nasa istak asin llenaran nin kompleto an mga porma, na ibuwelta an orihinal sa Sosyedad dai malihis sa Setyembre 6. Sarayon an duplikado sa saindong file.
◼ An sekretaryo kan kongregasyon titiponon an mga report sa paglilingkod tanganing ilaog sa pormang Congregation Analysis Report (S-10). Maingat man niang tatawan nin instruksion an siisay man na magurang o ministeryal na lingkod na puwedeng tumabang saiya sa pagtipon kan report. Sisiertohon kaini an tamang paglista kan impormasyon na kaipuhan gikan sa Congregation Publisher Record card (S-21). An pormang Congregation Analysis Report (S-10) maninigong llenaran nin tama asin malinig patin maingat na siyasaton kan komite sa paglilingkod.
◼ Puwede nang ipadara ngonyan sa Sosyedad an mga pedido para sa 1995 Yearbook asin kalendaryo. Ipadadara mi an espesyal na Yearbook and Calendar Order Blank sa kada kongregasyon kaiba kan statement of accounts sa Hunyo. Pagkaresibi nindo kaini, llenaran iyan asin ibuwelta iyan sa Sosyedad dai malihis sa Agosto 15. An kontribusyon sa Yearbook ₱30.00. An mga regular asin espesyal payunir na nasa lista poon Hulyo 1, 1994 o bago pa an petsang iyan puwedeng umako nin libreng kopya kan Yearbook, asin an kongregasyon mahagad nin credit para kaini sa pormang Remittance and Credit Request (S-20) pagpadara ninda nin bayad pagkaresibi kan mga Yearbook. An mga payunir puwedeng kumua nin dugang na mga kopya na iwawaras sa mga tawong dai pa nagdusay sa halagang ₱20.00 an saro. Tabi iseparar an libreng mga kopya sa mga kinua sa halaga sa payunir kun naghahagad nin credit. An kalendaryo ₱20.00 asin mayo nin halaga sa payunir para digdi, ni na tatawan nin libre an mga payunir.
◼ Maninigong ipadara na man ngonyan an mga pedido sa Pagsiyasat sa Kasuratan Aroaldaw—1995. Ini ipupublikar sa gabos na tataramon. Ipadadara mi an espesyal na order blank para kaini kaiba kan statement sa Hunyo. Tabi llenaran ini, na ipinaheheling an bilang na kaipuhan nindo sa kada tataramon, asin ibuwelta iyan sa Sosyedad dai malihis sa Agosto 15. An kontribusyon ₱10.00 sa mga parahayag. Puwedeng tawan nin sarong libreng kopya an kada espesyal asin regular payunir na nasa lista poon kan Hulyo 1, 1994. An ekstrang mga kopya sa payunir ₱5.00. Maninigong hagadon an credit arog kan sa Yearbook.
◼ Igwa pa nin panahon para sa mga nagpaplanong pumoon na magregular payunir sa Setyembre 1, 1994 na itao an saindang aplikasyon. Pakaaprobaran kan komite sa paglilingkod maninigong ipadara iyan na daing pag-atraso sa Sosyedad tanganing an pag-aprobar maresibi bago Setyembre 1.
◼ Kun nangangaipo an saindong kongregasyon nin ekstrang mga magasin sa Oktubre huli sa kampanya sa suskripsion, tabi ipadara tolos an espesyal na pedido nindo. Siertohon na konsideraron an bilang nin mga auxiliary payunir na puwedeng maglingkod sa bulan na iyan.
◼ Poon sa Agosto 1, 1994, an presyo kan gabos na dialektong Biblia na pinoprodusir kan Philippine Bible Society malangkaw sa ₱150.00 an saro. Mayo nin halaga sa payunir an mga ini. An Sosyedad igwang istak kan PBS Bible sa minasunod na mga lenguahe: Bicol, Cebuano, Hiligaynon, Iloko, Pampango, Pangasinan, Samar-Leyte, asin Tagalog.