Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Mayo 1 sagkod Agosto 21, 1995. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puwedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa The Watchtower.]

Simbagon nin Tama o Sala an kada saro sa minasunod na mga pahayag:

1. An pagsamba sa Dios sarong personal na bagay asin dai minadepende sa maski anong paagi sa satong relasyon sa iba. (1 Juan 4:20) [uw-BI p. 134 par. 7]

2. An sadol kan namamahalang grupo sa mga Kristianong Hentil na lumikay sinda sa idolatriya, dugo asin pakikisaro ibinase sa Mosaikong Pagboot. (Gibo 15:​28, 29) [uw-BI p. 149 par. 8]

3. Sa kaenot-enote, an Mosaikong Pagboot ipinaootob sa bilog na katawohan. (Sal. 147:​19, 20) [uw-BI p. 147 par. 5]

4. An Kapitulo 53 kan Isaias, na isinurat mga 700 na taon bago ipangaki si Cristo, garo sarong malinaw na estorya nin sarong aktuwal na nakaheling na naglaladawan ki Jesu-Cristo asin kun paano an pagtratar sa saiya. [si p. 119 par. 8]

5. Si Tugang na Russell nagpahayag nin hararom na pagkadisganar na dai sia dinara sa langit kan 1914. [jv p. 62 par. 3]

6. Mayo nin mapagkukuanan nin hatol sa kinaban na makababaing sa mararahay na hatol na itinatao kan Biblia manongod sa pamilya. [uw-BI p. 144 par. 11]

7. Sinasabi kan librong Talinhaga an kaipuhan tanganing maresolberan an satong mga problema paagi sa pagsadol sato na magsarig nin lubos sa Dios. [si p. 111 par. 35]

8. Sa sarong kombension na ginibo sa Washington, D.C., kan 1935, ipinahayag nin malinaw na an modernong aldaw na mga Jonadab dai na kaipuhan na magpaheling nin kaparehong sokol nin kaimbodan ki Jehova na arog kan sa mga linahidan. [jv p. 83 par. 5, p. 84 par. 1]

9. Kun maglataw an mga problema sa pag-agoman, an tunay na Kristiano dai magamit sa mga pagkukulang kan saiyang agom bilang sarahotan sa pagpabaya sa saiyang sadiring mga paninimbagan. [uw-BI p. 140-1 par. 4, 5]

10. An ipinahayag ni Salomon sa libro nin Eclesiastes na an gabos daing kamanungdanan aplikado sa gabos asin mayo nin iksemsion. [si p. 114 par. 15]

Simbagon an minasunod na mga hapot:

11. Anong mapusong edukasyonal na gibohon an pinonan ni Tugang na Russell asin kan saiyang kairiba kan 1912? [jv p. 59 par. 5, p. 60 nota sa ibaba]

12. Ano an ihinayag kan mga pagbalo na napaatubang sa mga Estudyante sa Biblia poon kan 1914 sagkod 1918? [jv p. 61 par. 1]

13. Anong mahalagang pangyayari sa kasaysayan an nagibo sa sarong kombension sa Columbus, Ohio, kan 1931? (Isa. 43:12) [jv p. 79 par. 4, p. 82 par. 2]

14. Anong Makakasuratan na pagmansay an ihinayag kan 1942 sa pahayag na “An Katoninongan​—Magdadanay daw Iyan?,” asin taano ta nakapupukaw sa isip an titulo kan pahayag na ini? [jv p. 93 par. 2]

15. Kan 1943, an mga kongregasyon dinaragka na ponan an anong bagong paadalan, na nagresulta sa ano? [jv p. 94 par. 2, 3]

16. Apuwera sa pagpaineksion nin dugo, magngaran nin tolo pang paagi na an sarong tawo puwedeng magkasala sa dugo sa atubangan nin Dios. [uw-BI p. 155-6 par. 3-6]

17. Kaoyon sa Talinhaga 1:​2-4, ano an itinatampok kan libro nin Talinhaga? [si p. 109 par.19]

18. Magngaran nin duwang bagay na nagpapaluwas nin tanog na ginamit nin marhay kan Sosyedad kan mga taon nin 1920 asin 1930 tanganing ikahulit an maogmang bareta. [jv p. 80-1, 87]

19. Kasuarin nagpoon an enot na Paadalan sa Pankahadean na Pagmiministro, asin ano an katuyohan kaiyan? [jv p. 102 par. 3]

20. Anong praktikal na mga leksion an itinotokdo sa magayon na Awit ni Salomon? [si p. 117 par. 16]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. Natapos ni Tugang na Russell an saiyang daganon na buhay kan Oktubre 31, 1916, asin si ․․․․․․․ an suminunod na nagin presidente kan Sosyedad. [jv p. 63 par. 3, p. 65 par. 2]

22. Kan 1917 asin 1918, mabagsik na iwinaras kan mga Estudyante sa Biblia an librong “․․․․․․․,” asin huli sa paglamag na minotibar kan klero, si Tugang na Rutherford asin an pito niang kairiba napreso sa bilibid pederal sa Atlanta, Georgia. [jv p. 69 par. 3, p. 70 par. 1]

23. Sa sarong surat na binasa sa mga tugang na nagtiripon para sa taonan na miting kan Watch Tower Society kan 1919, si Tugang na Rutherford nagsurat hale sa bilanggoan na “an pangenot na mga armas ni Satanas iyo an ․․․․․․․, ․․․․․․․, asin ․․․․․․․.” [jv p. 72 par. 3, p. 73 par. 7]

24. Kan 1922 sa internasyonal na kombension sa Cedar Point, Ohio, si Tugang na Rutherford nagdeklarar: “An kinaban dapat na makaaram na si Jehova an Dios asin si Jesu-Cristo an Hade nin mga hade . . . Kun siring ․․․․․․․, ․․․․․․․, ․․․․․․․, an ․․․․․․․ asin an saiyang ․․․․․․․.” [jv p. 72 par. 1]

25. Natapos ni Tugang na Rutherford an saiyang daganon na buhay kan Enero 8, 1942, asin pakalihis nin limang aldaw, si Tugang na ․․․․․․․ nagin presidente kan Sosyedad. [jv p. 89 par. 3, p. 90 par. 3]

Pilion an tamang simbag sa kada saro sa minasunod na mga pahayag:

26. An paadalan sa Gilead para sa mga misyonero inestablisar kan (1919; 1935; 1943). [jv p. 95 par. 2]

27. An New World Translation of the Christian Greek Scriptures enot na ilinuwas kan (1946; 1950; 1953), asin dian an banal na ngaran, Jehova, ibinalik sa total na (154; 193; 237) beses. [jv p. 99 par. 2]

28. An ebidensia na si Salomon an nagsurat kan Eclesiastes maheheling ta (minalataw an saiyang ngaran sa bilog na libro; an nagsurat kan ibang libro nginangaranan sia bilang an nagsurat; an libro mismo nag-eestablisar ki Salomon bilang an nagsurat dawa dai sia nginangaranan). [si p. 112 par. 4]

29. Kan 1932 ipinaliwanag na si Jonadab, an katabang ni Hadeng Jehu, nagladawan sa sarong grupo nin tawo na (makompuwesto sa segundang langitnon na grupo; makamit nin buhay na daing katapusan sa daga; dai maninindogan nin marigon para sa katotoohan). [jv p. 83 par. 3]

30. An Awit ni Salomon nagtatampok kan (papel ni Salomon bilang hade; dakulang mga kayamanan ni Salomon; kaimbodan nin sarong daragang probinsiana sa sarong pastor). [si p. 115 par. 2]

Ipadis an minasunod na mga teksto sa mga pahayag na nasa ibaba:

Tal. 22:3; Ecl. 7:​21, 22; Isa. 13:​19, 20; Mat. 5:​23, 24; Col. 3:​18-20, 23, 24

31. Maski ngani si Jehova bakong automatikong minaprotehir sa saiyang banwaan sa mga aksidente, guerra sibil, o krimen, mahalaga an paggibo kan mga nakabase sa Bibliang praktikal na kadonongan. [Semanal na babasahon sa Biblia; helingon an w92-BI 1/1 p. 24 par. 23.]

32. May supisyenteng ebidensia na nungkang pagdudahan an kaotoban kan ipinasabong na hula. [Semanal na babasahon sa Biblia; helingon an w93-BI 5/15 p. 6.]

33. An tunay na Kristiano iyo an nagsasadiring boot na paoswagon an matoninong na relasyon sa saiyang mga tugang. [uw-BI p. 135 par. l0]

34. An pag-oswag sa mga pampamilyang relasyon nangyayari, bakong sa paghalat sa ibang tawo na maghiro, kundi sa marahay na paggibo kan lambang saro sa saiyang kabtang, sa siring ipinaheheling na personal na iinaaplikar nia an diosnon na debosyon sa harong. [uw-BI p. 143 par. 10]

35. Dai magkaigwa nin bakong realistikong paghagad nin pagkasangkap sa saindong sadiri o sa saindong relasyon sa ibang bakong sangkap na mga tawo. [Semanal na babasahon sa Biblia; helingon an w90-BI 3/1 p. 6.]