Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Mayo 6 sagkod Agosto 19, 1996. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Baga man dakol o diit an ikinatatao niato, Makakasuratan an odok na pagngayongayo para sa pribilehio nin pagtabang sa satong fiel na Kristianong mga tugang na igwa nin mga pangangaipo sa buhay. (2 Cor. 8:​1-4) [16, jv p. 314 par. 1]

2. An ‘Gog nin Magog’ sarong simbolikong pag-apod sa mga gobyerno kan kinaban na ini. (Ezeq. 38:2) [12, Semanal na babasahon sa Biblia; helingon an w91-E 8/15 p. 27 par. 2.]

3. Kun paanong si Ohola iyo an matuang tugang na babae ni Oholiba, siring kan ilinadawan sa Ezequiel kapitulo 23, an Romanong Katolisismo iyo man an matuang tugang na babae nin Protestantismo, asin an duwang organisasyon pinarigsok an sadiri paagi sa espirituwal na pakikisambay sa komersial asin politikal na mga kapangyarihan kan kinaban. [6, Semanal na babasahon sa Biblia; helingon an w89-E 4/1 30.]

4. Duminakol an Mga Saksi ni Jehova sagkod na nalalabihan na ninda an bilang kan populasyon sa dakol na indibiduwal na nasyon. [7, jv p. 278 par. 3]

5. Si Cornelio an enot na Hentil na nagin Kristiano. [11, it-1 p. 513 par. 3, 4]

6. Magkaoyon an Santiago 4:17 asin Ezequiel 33:​7-9, na nagpapaheling na an pakaaram sa kun ano an hinahagad sa sato nin Dios an minagibo sa sato na manimbag sa saiya. [10, Semanal na babasahon sa Biblia; helingon an w93-BI 4/1 p. 7 par. 1.]

7. Pinatunayan ni Daniel na sia sarong tunay na propeta paagi sa pagpaliwanag sa kahulogan kan pangatorogan na imahen pakaladawan kaiyan sa saiya ni Hadeng Nabucodonosor. [15, Semanal na babasahon sa Biblia; helingon an Daniel 2:​7-9, 26.]

8. An tubig na nagbobolos hale sa templo sa bisyon na ilinadawan sa Ezequiel 47:1 nagrerepresentar sa nakalilinig na puersa nin bautismo. [14, Semanal na babasahon sa Biblia; helingon an w88-BI 10/1 p. 25 par. 20.]

9. An halimbawa ni Balaam nagseserbing patanid sa gabos na matagas an payo asin nagpapadagos sa pag-ignoro sa kabotan nin Dios mantang paslong pakinabang an hinahanap ninda. (Judas 11) [3, it-1 p. 244 par. 4]

10. An fiel na sekretaryo kan propetang si Jeremias na pinanugaan na makaliligtas sa pagsalikop asin paglaglag sa Jerusalem iyo si Ebed-melec. [15, it-1 p. 259 par. 5]

Simbagon an minasunod na mga hapot:

11. Sa anong mga paagi ipinaheling ni Tugang na Charles Taze Russell na isinapuso nia an mga tataramon ni Jesus manongod sa paghanap nguna sa Kahadean? (Mat. 6:33) [8, jv p. 284 par. 1]

12. An mga kombension kan Mga Saksi ni Jehova nagtatao nin dai maninigaran na ebidensia nin ano? [3, jv p. 254 par. 2, 3]

13. Sa anong paagi na an linahidan na mga Saksi ni Jehova asin an saindang kairiba dapat na magin arog ni Ezequiel? (Ezeq. 11:25) [1, Semanal na babasahon sa Biblia; helingon an w88-BI 10/1 p. 14 par. 3.]

14. Taano ta pinondo kan 1938 an separadong mga pagtiripon para sa mga aki sa kongregasyon? [1, jv p. 246 par. 1]

15. Sa anong mga paagi na inarog ni Reyna Atalia an saiyang ina, si Jezabel? [2, it-1 p. 209 par. 3]

16. Ano an kahulogan kan ngaran nin Dios, an Jehova? [13, kl p. 25 par. 7]

17. Kun an sarong tunay na Kristiano may pangangaipo, siisay an may pangenot na paninimbagan na tumao nin materyal na tabang, asin ano an Makakasuratan na basihan kan simbag nindo? [12, jv p. 305 par. 1]

18. Siisay an suminalihid ki Noemi sa areglong pagpaagom sa bayaw ki Booz? [8, it-1 p. 347 par. 8]

19. Siisay na propeta an nagsabi na an daga ‘talidong,’ asin saen sa Kasuratan ini nasusurat? [8, kl p. 17 par. 14]

20. Ano an tunay na kahulogan kan paghanap nguna sa Kahadean? [10, jv p. 295 par. 1]

Ibugtak an termino (mga termino) o frase na kaipuhan tanganing makompleto an kada saro sa minasunod na mga pahayag:

21. Bilang kaotoban kan Ezequiel 21:​26, an “halangkaw” na kahadean nin ․․․․․․․․ ‘ibinaba’ paagi sa paglaglag kaidtong ․․․․․․․․, asin an “hababang” mga kahadean na ․․․․․․․․ ‘ilinangkaw,’ na pinabayaan sindang magkaigwa nin kontrol digdi sa daga na mayo kan pakikilabot kan tipikong ․․․․․․․․ nin Dios. [5, Semanal na babasahon sa Biblia; helingon an w88-BI 10/1 p. 17 par. 16.]

22. An sarong kabtang kan librong ․․․․․․․․ sa aktuwal ․․․․․․․․ na isinurat nin patienot, na nakasentro sa paglalaban para sa kapangyarihan kan darakulang dinastiya sa gabos na nag-aging siglo. [15, si p. 138 par. 1]

23. An ekspresyon na ‘an sakuyang oripon na si David’ sa Ezequiel 34:23 isinurat haloy na pagkagadan ni ․․․․․․․․; iyan makahulang mga tataramon asin nanonongod ki ․․․․․․․․. [14, si p. 137 par. 31]

24. Sa pag-oltanan kan Enero 1946 asin Agosto 1948, an banwaan ni Jehova nagtao nin ․․․․․․․․ asin ․․․․․․․․ sa mga Saksi na nag-iistar sa kisuerra 18 nasyon na apektado kan ․․․․․․․․. [13, jv p. 308 par. 3, 4]

25. Naabot an makahulogan na pangyayari sa espirituwal na pag-oswag kaidtong 1931 kan akoon niato an ngaran na ․․․․․․․․, kaidtong 1935 kan mamidbid an ․․․․․․․․, kaidtong 1950 kan iluwas an ․․․․․․․․, asin kaidtong 1962 kan ikatanos an satong pakasabot manongod sa ․․․․․․․․. [4, jv p. 260 par. 3–​p. 264 par. 2]

Pilion an tamang simbag sa kada saro kan minasunod na mga pahayag:

26. An eksperyensia ni (Abigail; Dorcas; Dina) nag-iilustrar kan pagigin totoo kan prinsipyo sa 1 Corinto 15:33. [16, it-1 p. 627 par. 3]

27. Nasakop ni Ciro an siudad nin (Jerusalem; Babilonya; Ninive) paagi sa pagpasiko kan katubigan sa Salog nin (Tigris; Jordan; Eufrates) tangani na makalaog sa siudad an saiyang mga hukbo. [12, it-1 p. 567 par. 1]

28. An saiyang ngaran Jose, alagad huli sa saiyang pagkamapagpadangat asin pagkamatinao, sia namidbid bilang (Andres; Bernabe; Bartolome), na an kahulogan “Aki nin (Kamondoan; Kagayagayahan; Karangahan).” [4, it-1 p. 257 par. 3, 4]

29. Si Belsasar, an panganay na aki ni (Ciro; Nabonido; Nabucodonosor), nasambitan sana sa kasaysayan sa Biblia ni (Ezequiel; Daniel; Isaias), asin an arkeolohikong ebidensia minaoyon sa pagkamakasaysayan kan rekord. [7, it-1 p. 282 par. 11]

30. An pagbagsak nin Babilonya ihinula ni (Daniel asin Oseas; Joel asin Amos; Isaias asin Jeremias). [9, kl p. 18 par. 17]

Ipadis an minasunod na mga teksto sa mga pahayag na nasa ibaba:

2 Cron. 14:​2-5; Sal. 78:​40, 41; Isa. 55:​10, 11; Dan. 1:​8, 11-13; 1 Cor. 9:16

31. Tanganing idoon an halaga kan paghuhulit, an sarong Watchtower kan 1949 nagpahayag: “An paghuhulit ginibo ni Jehova na pinakamahalagang trabaho na magigibo kan siisay man sa sato sa kinaban na ini.” [9, jv p. 292 par. 4]

32. An hoben na mga Kristiano maninigong dai mag-alangan na magalang na isabi sa mga autoridad asin kaeskuela na dai ninda babalgahon an saindang diosnon na konsensia. [15, Semanal na babasahon sa Biblia; helingon an w92-BI 11/1 p. 12 par. 17.]

33. An orihinal na katuyohan nin Dios para sa katawohan asin sa daga maootob. [2, kl p. 9 par. 10]

34. An fiel na mga lingkod ni Jehova mapusong tinutumang an apostasiya asin mahigos sa pagpalakop kan dalisay na pagsamba. [1, it-1 p. 183 par. 11, 12]

35. An Dios igwa nin mga pakamate, asin an mga desisyon na ginigibo niato mahalaga sa saiya. [6, kl p. 14 par. 8]