Kompleto daw an Saindong Teokratikong Libreriya?
1 Poon kan 1944, dinagka kan Sosyedad an mga kongregasyon na mag-establisar nin libreriya sa Kingdom Hall para sa Teokratikong Paadalan sa Pagmiministro. An librong Our Ministry sa pahina 74 nagsasabi na an libreriyang ini “puedeng igwa nin magagamit na mga publikasyon kan Sosyedad, tibaad nin nagkapirang traduksion kan Biblia, sarong konkordansia asin iba pang nakatatabang na mga reperensia.” An paraataman sa paadalan an responsable sa libreriya.
2 Gurano kakompleto kan libreriya sa saindong Kingdom Hall? Mahalagang marhay na an saindong libreriya igwa kan Watch Tower Publications Indexes tangani na makapagsiyasat an mga tugang. Tangani na magin kapakipakinabang ini, kaipuhan man na magkaigwa nin mga tomo kan Watchtower na itinotokdo sa Indexes. Naoogma kaming sabihon na igwa na kami ngonyan sa sanga kan Pilipinas nin limitadong istak kan gabos na tomo nin Watchtower sa Ingles poon 1950 sagkod 1995. Puede ining pedidohon sa Sosyedad nin mga kongregasyon o nin mga indibiduwal na nangangaipong kompletohon an saindang personal na mga libreriya.
3 Minsan siring, isaisip na an mga tomong ini “Special-Request Items,” na nangangahulogan na maninigo iyan bayadan tolos-tolos pagkaresibi asin dai dapat istakon na Sosyedad an nagbayad. Ini nangangahulogan na an kontribusyon na ₱120.00 kaipuhan na ipadara para sa kada tomong pinedido. Tibaad may mga tugang na gikan sa boot na magdonar tangani na makompleto kan mga tomong ini an libreriya kan Kingdom Hall. Magigin bendisyon ini para sa bilog na kongregasyon. Maski ngani dai nindo durungan na makukua an gabos na tomo, puedeng pumedido an kongregasyon nin saro o duwa ngonyan dangan kumua nin dakol pa sa huri sagkod na igwa pa kami nin suplay.
4 Pinaririgon niamo an boot nin mga indibiduwal na may kakayanan na magkaigwa nin sarong kompletong libreriya na sadiri ninda. Alagad para duman sa mga mayo, an libreriya kan Teokratikong Paadalan sa Pagmiministro nagseserbi sa kapakipakinabang na katuyohan. Mantang ginagamit niato ini sa pagsiyasat, manonompongan niato an “natatagong kayamanan” kan Tataramon nin Dios.—Tal. 2:4-6.