Mga Paisi

◼ Alok sa Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Nobyembre: Kaaraman na Minagiya Pasiring sa Buhay na Daing Katapusan sa kontribusyon na ₱20.00. Disyembre: New World Translation sa Ingles o Ang Banal na Kasulatan kaiba an The Bible​—God’s Word or Man’s? sa kontribusyon na ₱100.00. Enero: Sadit na edisyon kan librong Mabuhay Sagkod Lamang sa hababang kontribusyon na ₱20.00. (Helingon an paisi sa ibaba.) PASABOT: An mga kongregasyon na dai pa naghagad kan mga pankampanya na nasambit sa itaas maninigong humagad na sa saindang masunod na bulanan na Literature Order Form (S-AB-14).

◼ Sa Enero iaalok niato an sadit na edisyon kan librong Mabuhay Sagkod Lamang sa hababang kantidad. An halaga sa payunir ₱15.00. An gabos na pedido sa librong ini na naresibi pakalihis kan Setyembre 1, 1996 sisingilon sa mga kongregasyon sa halagang ₱20.00. Siring man, para sa mga librong ini na nasa istak kan saindong kongregasyon kan Setyembre 1 asin yaon sa saindong Literature Inventory (S-18) kan petsang iyan, iinaan kan Sosyedad an saindong kuenta nin ₱10.00 kada libro. Sa siring, an solamenteng credit na kaipuhan na hagadon kan mga kongregasyon iyo an para sa mga kinua kan mga payunir. Minsan siring, kun naghahagad nin credit para sa payunir, ilista tabi an mga librong ini sa linya na para sa “Pocket-size books” sa pormang S-20 nin Remittance and Credit Request.

◼ Sa parate an Nobyembre asin Disyembre marahay na mga bulan para sa pakikikabtang sa pag-auxiliary payunir. An mga nagpaplanong mag-aplay maninigong itao nin amay an saindang aplikasyon tangani na an kamagurangan makagibo nin kinakaipuhan na mga areglo para sa literatura asin teritoryo.

◼ Mantang an Nobyembre 1 parateng piesta opisyal ini magigin marahay na panahon na iareglo an espesyal na aktibidad sa pagmamagasin. Dakol an nag-iisip manongod sa nagadan na mga namomotan sa Oktubre 31 asin Nobyembre 1, kaya marahay na gamiton an tract na What Hope for Dead Loved Ones? saka an brochure na Kun Magadan an Sarong Namomotan kun naghuhulit sa harong-harong o sa mga sementeryo sa mga aldaw na iyan. Dugang pa, manonompongan nindo na angay na marhay sa panahon na iyan an artikulong “Kun Mabuhay Na Liwat an mga Gadan” sa Oktubre 15, 1996 na Torrengbantayan.

◼ An suplemento sa isyung ini kan An Satong Ministeryo sa Kahadean iyo an “Theocratic Ministry School Schedule for 1997” asin maninigong isaray bilang reperensia sa bilog na 1997.

◼ An Watchtower Library​—1995 Edition makukua na ngonyan sa CD-ROM asin puedeng pedidohon sa kontribusyon na ₱300.00. Sinalidahan kaini an 1993 na edisyon asin igwa kan gabos na edisyon kan The Watchtower poon kan 1950 sagkod 1995 siring man kan gabos na luwas kan Awake!, Our Kingdom Ministry, libro, pulyeto, brochure, asin tract para sa taon 1970 sagkod 1995. Tanganing magamit an CD-ROM na ini, kaipuhan an minasunod: komputer na IBM-PC-compatible na igwa nin 80386 o mas marikas na microprocessor; nakatakod na CD-ROM drive; dai kukulangon sa duwang megabyte na RAM (irinerekomendar an apat na megabyte); limang megabyte nin mayong laog na hard disk; sarong VGA o higher resolution color o monochrome monitor; puedeng gumamit magsala nin Windows 3.1, Windows 95, o Windows NT 3.51 para sa Intel operating systems. Siring man, puede iyan gamiton sa OS/2 operating system.