Mga Paisi

◼ Alok sa Disyembre: New World Translation sa Ingles o Ang Banal na Kasulatan kaiba an The Bible​—God’s Word or Man’s? sa kontribusyon na ₱100.00. Enero: Sadit na edisyon na librong Mabuhay Sagkod Lamang sa binabaan na kontribusyon na ₱20.00. (Helingon an paisi sa An Satong Ministeryo sa Kahadean kan Oktubre.) Pebrero: Life​—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. Sa mga teritoryong dai nakatataram nin Ingles, maninigong ialok an sadit na edisyon na librong Mabuhay Sagkod Lamang sa binabaan na kontribusyon na ₱20.00. Marso: Bagong publikasyon na iluluwas sa pandistritong kombension. PASABOT: An mga kongregasyon na dai pa naghagad kan mga pankampanya na nasambit sa itaas maninigo nang humagad sa saindang masunod na bulanan na Literature Order Form (S-AB-14).

◼ An nangengenot na paraataman o saro na iinasignar nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ianunsiar sa kongregasyon kun nagibo na ini.

◼ Mahalaga para sa gabos na parahayag na gumibo nin depinidong mga areglo na makikabtang sa paglilingkod sa langtad amay pa ngonyan na Disyembre. Kun, huli sa pag-atender sa kombension o pagbakasyon, mayo kamo sa saindong kongregasyon sa katapusan kaining Disyembre, siertohon na itao sa sekretaryo an saindong report bago kamo humale. Paagi sa pagigin maimbod kan gabos sa pagtao kan saindang report nin tama sa panahon, magkakaigwa kita nin kompletong report ngonyan na Disyembre.

◼ Mantang an pandistritong kombension sa taon na ini tolong aldaw sana, dai kaipuhan na kanselaron an Pag-adal sa Libro kan Kongregasyon durante kan semana nin kombension.

◼ Mga Donasyon sa Pandistritong Kombension: Boot niamong pagirumdomon an gabos na an gabos na gastos sa kombension, kabale an arkila sa mga pasilidad, pagtogdok kan plataporma, asin an itinagamang sound system, sinusuportaran gabos kan saindong boluntad na mga donasyon. Aram niamo na isasaisip ini kan gabos na maatender. An mga donasyon puedeng gibohon paagi sa mga kahon nin kontribusyon na yaon sa mga kombension.​—Helingon an parapo 13 kan suplemento kan Nobyembre, 1996 na An Satong Ministeryo sa Kahadean.

◼ Teksto kan Taon 1997: An teksto kan taon para sa 1997 kinua sa Salmo 143:​10: “Tokdoan mo ako na gibohon an saimong kabotan.” An gabos na kongregasyon maninigong iareglo na ibugtak an bagong tekstong ini sa saindang Kingdom Hall sa Enero 1, 1997.

◼ Pagkorehir: Sa Agosto, 1996 na An Satong Ministeryo sa Kahadean an kantidad kan 1997 kalendaryo sala na itinao sa kontribusyon na ₱20.00. Ini maninigong ₱25.00. Siertohon tabi na magbayad an mga tugang kan halagang ini, huling ini an sisingilon sa kongregasyon.

◼ Makukuang Bagong Compact Disc:

Kingdom Melodies on Compact Disc, Tomo 1. (Ini an enot sa walong Compact Disc asin iyan igwa kan iyo man sanang musika siring kan Kingdom Melodies No. 1 sa audiocassette. An kontribusyon kapwa sa parahayag asin payunir ₱90.00.)