Mga Paisi
◼ Alok sa Enero: Sadit na edisyon na librong Mabuhay Sagkod Lamang sa binabaan na kontribusyon na ₱20.00. Pebrero: Life—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. Sa mga teritoryong dai nakatataram nin Ingles, maninigong ialok an sadit na edisyon na librong Mabuhay Sagkod Lamang sa binabaan na kontribusyon na ₱20.00. Marso: Bagong publikasyon na iluluwas sa pandistritong kombension. Abril asin Mayo: Sarong taon na suskripsion sa An Torrengbantayan sa kontribusyon na ₱120.00. PASABOT: An mga kongregasyon na dai pa naghagad kan mga pankampanya na nasambit sa itaas maninigo nang humagad sa saindang masunod na bulanan na Literature Order Form (S-AB-14).
◼ An Enero iyo an panahon na bagohon an satong mga Medical Directive asin Identity Card para sa 1997. Siring man, an gabos na bago pa sanang mabautismohan na miembro kan kongregasyon maninigong tawan nin kard, siring man an mga dai pa bautisadong minor de edad na kaakian na an mga magurang Saksi. Tabi repasohon kan sekretaryo an surat sa gabos na kongregasyon na may petsang Nobyembre 1, 1991 kun paano lellenaran an mga kard na ini, asin tawan nin kard an gabos na nangangaipo kaiyan sa Pagtiripon sa Paglilingkod sa semana nin Enero 13-19. Kun kaipuhan, pumedido pa nin kard sa Sosyedad.
◼ Maninigong gumibo nin mga areglo an mga kongregasyon sa pagselebrar kan Memorial ngonyan na taon sa Domingo, Marso 23, pagkasolnop kan aldaw. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasosolnop an aldaw. Huling mayong mga pagtiripon na gigibohon sa aldaw na iyan, maninigong gumibo nin angay na mga pagliliwat para sa Pag-adal sa Torrengbantayan na gigibohon sa ibang panahon. Kaipuhan na liwaton kan mga paraataman sa sirkito an saindang iskedyul nin pagtiripon para sa semanang iyan sono sa lokal na mga sirkumstansia. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad dai ini perming magigin posible. Kun an nagkapirang kongregasyon dati nang naggagamit nin sasarong Kingdom Hall, an saro o labi pang kongregasyon puedeng kumua nin saro pang pasilidad na magagamit para sa bangging iyan. Dai maninigong ponan an Memorial na banggi nang marhay na bako nang kombenyente para sa interesadong mga tawo na umatender. Ni na magin suod nang gayo an iskedyul na mayo nang panahon na taratarahon an mga bisita bago o pakatapos kan selebrasyon, mag-areglo para sa espirituwal na pagtabang sa interesadong mga tawo, o magrinibayan nin mga pampakosog. Pakatapos na maingat na konsideraron an gabos na bagay, maninigong magdesisyon an kamagurangan kun anong mga areglo an magigin pinakakapakipakinabang para sa gabos na maatender. An mga imbitasyon sa Memorial ipadadara sa mga kongregasyon kun maimprenta na.
◼ An espesyal na pahayag-publiko para sa 1997 itatao sa bilog na kinaban sa Domingo, Abril 6, 1997. An magigin tema “Magin Nalinigan sa Kinabanon na Karamogan.” Itatao an outline sa tamang panahon. An mga kongregasyon na dinadalaw kan paraataman sa sirkito, may pansirkitong asamblea, o espesyal na aldaw nin asamblea sa katapusan kan semanang iyan magkakaigwa kan espesyal na pahayag sa masunod na semana, Abril 13. Mayong kongregasyon na magkakaigwa nin espesyal na pahayag bago an Abril 6.
◼ Maninigong aram kan grupo nin kamagurangan na kaipuhan an minasunod na mga pagliliwat kun nag-aatender nin lokal na mga asamblea an kongregasyon: Kun may nakaiskedyul na programa sa espesyal na aldaw nin asamblea, an kongregasyon maninigong magkaigwa kan gabos nindang dating mga pagtiripon sa bilog na semana, apuera sa kakanselaron na Pampublikong Pagtiripon asin Pag-adal sa Torrengbantayan. Kun nakaiskedyul na umatender sa pansirkitong asamblea, kakanselaron man kan kongregasyon an Paadalan sa Teokratikong Pagmiministro asin an Pagtiripon sa Paglilingkod; an Pag-adal sa Libro kan Kongregasyon sana an gigibohon durante kan semanang iyan.