Mga Paisi
◼ Alok sa Agosto: Arin man sa mga brosyur sa kontribusyon na ₱6.00. Setyembre: An Sekreto sa Kaogmahan nin Pamilya sa kontribusyon na ₱20.00. Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Poon sa huring kabtang kan bulan, iwawaras an Kingdom News Num. 35. Nobyembre: Sa enot na kabanga kan bulan ipapadagos an kampanya sa Kingdom News Num. 35. Pakatapos kaiyan, iaalok an librong Kaaraman. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ An kada kongregasyon maresibi nin duwang porma nin Literature Inventory (S-18) kaiba kan saindang accounts statement sa Hunyo. Tabi aktuwal na bilangon an gabos na literaturang nasa istak ngonyan na Agosto 31, 1997 asin llenaran nin kompleto an mga porma, na ibuelta an orihinal sa Sosyedad dai malihis sa Setyembre 6. Sarayon an duplikado sa saindong file.
◼ An sekretaryo kan kongregasyon titiponon an mga report sa paglilingkod tanganing ilaog sa pormang Congregation Analysis Report (S-10). Maingat man niang tatawan nin instruksion an siisay man na magurang sa kongregasyon o ministeryal na lingkod na matabang sa saiya sa pagtipon kan report. Sisiertohon kaini an tamang paglista kan impormasyon na kaipuhan gikan sa Publisher Record cards (S-21). An pormang Congregation Analysis Report (S-10) maninigong llenaran nin tama asin areglado patin maingat na siyasaton kan komite sa paglilingkod.
◼ Maninigong ipadara na ngonyan sa Sosyedad an mga pedido sa Pagsiyasat sa Kasuratan Aroaldaw—1998 asin 1998 kalendaryo. Ipadadara mi an espesyal na order blank para sa duwang ini sa kada kongregasyon kaiba kan statement of accounts sa Hunyo. Kun maresibi na nindo ini, llenaran iyan asin ibuelta iyan sa Sosyedad dai malihis sa Agosto 15. An kontribusyon sa Pagsiyasat sa Kasuratan Aroaldaw ₱10.00 sa parahayag. Puedeng tawan nin libreng kopya an kada espesyal asin regular payunir na nasa lista poon kan Hulyo 1, 1997, asin hahagadon kan kongregasyon an credit kaini sa pormang Remittance and Credit Request (S-20) kun ipadara na ninda an bayad pakaresibi kan mga pulyeto. Puedeng kumua nin ekstrang mga kopya an mga payunir tangani na ipasakamot sa mga dai pa nagdusay sa kontribusyon na ₱5.00 kada saro. Ipaheling tabi an libreng mga kopya na separado sa kantidad sa payunir kun minahagad nin credit. An kalendaryo ₱25.00 asin mayong credit sa payunir para digdi, ni na may itataong libre para sa mga payunir.
◼ Igwa pa nin panahon para sa mga nagpaplanong pumoon na magregular payunir sa Setyembre 1, 1997 na itao an saindang aplikasyon. Pakaaprobaran kaini kan komite sa paglilingkod maninigong ipadara iyan na daing pag-atraso sa Sosyedad tanganing an pag-aprobar maresibi bago Setyembre 1.