Mga Paisi

◼ Alok sa Setyembre: An Sekreto sa Kaogmahan nin Pamilya sa kontribusyon na ₱20.00. Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Poon sa huring kabtang kan bulan, iwawaras an Kingdom News Num. 35. Nobyembre: Sa enot na kabanga kan bulan ipapadagos an kampanya sa Kingdom News Num. 35. Pakatapos kaiyan, iaalok an librong Kaaraman. Disyembre: New World Translation sa Ingles o Ang Banal na Kasulatan kaiba an The Bible​—God’s Word or Man’s? sa kontribusyon na ₱100.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ Poon sa Oktubre, an mga paraataman sa sirkito matao kan pahayag-publiko na may temang “Gamiton an Edukasyon sa Pag-omaw ki Jehova” kun dinadalaw an mga kongregasyon.

◼ An nangengenot na paraataman o saro na iinasignar nia maninigong siyasaton an kuenta kan kongregasyon sa Setyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ Pinagigirumdom an kamagurangan na padagos na sundon an mga instruksion na itinao sa pahina 15-17 kan Mayo 1, 1991 Torrengbantayan (w91-E 4/15, p. 21-3), mapadapit sa siisay man na tiwalag o nagdis-asosyar na tibaad may inklinasyon na makabalik.

◼ Sa Oktubre asin Nobyembre, magkakaigwa nin espesyal na pagwaras kan Kingdom News Num. 35. Marahay na panahon ini para sa mga makapag-o-auxiliary payunir. Ineenkaminar niamo an gabos na magplano para sa pasohan na ini.

◼ Igwa pa kami nin dakol na suplay kan tomo kan Watchtower sa Ingles poon 1951 sagkod 1959 asin boot niamong enkaminaron an mga indibiduwal asin kongregasyon na pumedido kaini para sa saindang teokratikong mga libreriya.

◼ An “Hapot” sa Mayo, 1997 An Satong Ministeryo sa Kahadean nagrekomendar na magin kitang maingat manongod sa paggibo sa ministeryo kaiba kan mga parahayag na bakong kasekso. May marahay na mga dahelan na an gabos gumamit nin marahay na paghusgar sa bagay na ini. Dai ini nangangahulogan na an nagbibiaheng mga paraataman o pati an ibang mga tugang na lalaki dai puedeng gumibo sa ministeryo sa langtad kaiba kan mga tugang na babae. Imbes, ipinahayag an ideya na bakong madonong para sa sarong tugang na lalaki na regular na magparaibaiba nin solo sa iyo man sanang tawo na bakong kasekso na bako man niang paryente.

◼ Makukuang Bagong Videocassette:

The Bible​—Its Power in Your Life (Ika-3 ini sa serye manongod sa Biblia. Parahayag: ₱300.00; Payunir: ₱240.00.)​—Ingles

◼ Makukua Giraray:

Watchtower Library​—1995 Edition sa CD-ROM​—Ingles (Pasabot: Kun naghahagad nin mga literatura, maninigong girumdomon kan mga kongregasyon na an CD-ROM kan Sosyedad dai basta-basta ididistribwir sa siisay man. Sa pangenot mga parahayag an magamit kaiyan.)