Mga Paisi

◼ Alok sa Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Poon sa ikaduwang kabtang kan bulan, iwawaras an Kingdom News Num. 35. Nobyembre: Ipapadagos sagkod sa enot na kabanga kan bulan an kampanya sa Kingdom News Num. 35. Pakatapos kaiyan, iaalok an librong Kaaraman. Disyembre: New World Translation sa Ingles o Ang Banal na Kasulatan kaiba an The Bible​—God’s Word or Man’s? sa kontribusyon na ₱100.00. Enero: Nagkakasararo sa Pagsamba sa Iyo Sanang Tunay na Dios o an sadit na librong Mabuhay Sagkod Lamang sa kontribusyon na ₱20.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ Sa Nobyembre 1, dakol na tawo an naghohorophorop dapit sa nagadan na mga namomotan, kaya marahay na gamiton an tract na What Hope for Dead Loved Ones? asin an brosyur na Kun Magadan an Sarong Namomotan kun naghuhulit sa harong-harong o sa mga sementeryo sa aldaw na iyan.

◼ An suplemento sa isyung ini kan An Satong Ministeryo sa Kahadean iyo an “Iskedyul sa Teokratikong Paadalan sa Pagmiministro Para sa 1998” asin maninigong isaray bilang reperensia sa bilog na 1998.

◼ Huling may limang kompletong Sabado asin Domingo, an bulan nin Nobyembre puedeng magin kombenyenteng panahon na dakol an mag-auxiliary payunir.

◼ Igwa daw kamo nin suplay nin mga handbill na magpapaheling kan oras nin saindong mga pagtiripon. Kun mayo pa, puede kamong pumedido nin suplay nindo sa pormang Handbill Order (S-AB-16).

◼ Kun dai pa nakapadara an mga kongregasyon kan saindang pedidong Pagsiyasat sa Kasuratan Aroaldaw​—1998, maninigo nang gibohon ninda iyan tolos-tolos. An gabos na kongregasyon bobooton na magkaigwa kan mga pulyetong ini na makukua kan mga parahayag tanganing maponan na magamit sa Enero 1, 1998. An mga pulyetong ini special-request.