Mga Paisi
◼ Alok sa Nobyembre: Ipapadagos sagkod sa enot na kabanga kan bulan an kampanya sa Kingdom News Num. 35. Pakatapos kaiyan, iaalok an librong Kaaraman. Disyembre: New World Translation sa Ingles o Ang Banal na Kasulatan kaiba an The Bible—God’s Word or Man’s? sa kontribusyon na ₱100.00. Enero: Nagkakasararo sa Pagsamba sa Iyo Sanang Tunay na Dios o an sadit na librong Mabuhay Sagkod Lamang sa kontribusyon na ₱20.00. Pebrero: Life—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. Minsan siring, sa mga teritoryong dai nakatataram nin Ingles, maninigong ialok an sadit na librong Mabuhay Sagkod Lamang sa kontribusyon na ₱20.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ An mga parahayag na nagpaplanong mag-auxiliary payunir sa Disyembre maninigong itao an saindang aplikasyon nin amay pa tangani na an kamagurangan makagibo nin kinakaipuhan na mga areglo para sa literatura asin teritoryo.
◼ Nagpaplano an Sosyedad na mag-areglo nin pag-interpretar para sa mga bongog sa enot na “Pagtubod sa Tataramon nin Dios” na Pandistritong Kombension sa Quezon City sa Disyembre 26-28, 1997. Kun siring, an siisay man na bongog na nakasasabot nin pagtaram paagi sa senyas maninigong umatender sa kombension na ini, huling mayong pag-interpretar para sa mga bongog sa ibang mga lugar kan kombension.
◼ Mga Pagliliwat sa Kontribusyon:
New World Translation of the Holy Scriptures (Deluxe, DLbi12) Parahayag: ₱200.00; Payunir: ₱160.00. Tabi mangnohon na para sana ini sa full-size na edisyon, an sadit na edisyon na Biblia pareho pa man giraray an kontribusyon.
Poon sa 1998 edisyon kan Pagsiyasat sa Kasuratan Aroaldaw mayo nang kantidad sa payunir. An mga regular payunir na nasa lista poon kan Hulyo 1, 1997, maresibi nin libreng kopya alagad an ano man na dagdag na mga kopya makukua sa kontribusyon na ₱10.00.