Mga Paisi
◼ Alok sa Enero: Nagkakasararo sa Pagsamba sa Iyo Sanang Tunay na Dios o an sadit na librong Mabuhay Sagkod Lamang sa kontribusyon na ₱20.00. Pebrero: Life—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. Minsan siring, sa mga teritoryong dai nakatataram nin Ingles, maninigong ialok an sadit na librong Mabuhay Sagkod Lamang sa kontribusyon na ₱20.00. Marso: Iaalok an librong Kaogmahan nin Pamilya. Kun mayo pa kamo kan librong ini puede nindong ialok an librong Kaaraman. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ Maninigong gumibo nin kombenyenteng mga areglo an mga kongregasyon sa pagselebrar kan Memorial ngonyan na taon sa Sabado, Abril 11, pagkasolnop kan saldang. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasosolnop an saldang. Maghapot sa lokal na mga mapagkukuanan nin impormasyon tanganing maaraman kun noarin masolnop an saldang sa saindong lugar. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad dai ini pirmeng magin posible. Sa lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin saro pang pasilidad na magagamit para sa bangging iyan. Dai maninigong magpoon an Memorial na banggi nang marhay na bako nang kombenyente para sa interesadong mga tawo na umatender. Ni na magin suod nang gayo an iskedyul na mayo nang panahon na taratarahon an mga bisita bago o pakatapos kan selebrasyon, mag-areglo para sa padagos na espirituwal na pagtabang sa mga interesado, o magrinibayan nin mga pamparigon sa boot. Pakatapos na maingat na konsideraron an gabos na bagay, maninigong magdesisyon an kamagurangan kun anong mga areglo an pinakamakatatabang sa mga maatender sa Memorial tangani na makinabang nin lubos sa okasyon na iyan.
◼ An espesyal na pahayag-publiko para sa panahon kan Memorial sa 1998 itatao sa Domingo, Marso 29. May itataong outline. An mga kongregasyon na dinadalaw kan paraataman sa sirkito, may pansirkitong asamblea, o espesyal na aldaw nin asamblea sa katapusan kan semanang iyan magkakaigwa kan espesyal na pahayag sa masunod na semana. Mayong kongregasyon na magkakaigwa nin espesyal na pahayag bago an Marso 29, 1998.
◼ Maninigong aram kan grupo nin kamagurangan na kaipuhan an minasunod na mga pagliliwat kun an kongregasyon igwa nin lokal na mga asamblea. Kun may nakaiskedyul na programa sa espesyal na aldaw nin asamblea, an kongregasyon maninigong magkaigwa kan gabos na dating pagtiripon sa bilog na semana, apuera sa kakanselaron na Pampublikong Pagtiripon asin Pag-adal sa Torrengbantayan. Kun nakaiskedyul na umatender sa pansirkitong asamblea, kakanselaron man kan kongregasyon an Paadalan sa Teokratikong Pagmiministro asin an Pagtiripon sa Paglilingkod; an Pag-adal sa Libro kan Kongregasyon sana an gigibohon sa lokal durante kan semanang iyan.
◼ Mantang linalaoman niato an Abril bilang sarong espesyal na bulan nin paglilingkod ngonyan na an panahon na konsideraron an mga pangangaipo kan saindong kongregasyon para sa dugang na mga magasin na gagamiton durante kan bulan na iyan. Ipadara tabi nin amay an saindong mga pedido tangani na maasikaso an saindong mga pangangaipo.
◼ Igwa pa kami nin natatadang dikit na istak kan Kingdom News #35 sa Bicol, Cebuano, Ingles, Hiligaynon, Iloko, Pangasinan asin Samar-Leyte. An mga kongregasyon na dai nakobrehan kan tract na ini an entiro nindang teritoryo, tibaad boot na pumedido nin dagdag na suplay tangani na magibo ini. Papanoan kan Sosyedad an saindong mga pedido sagkod na maubos an suplay.
◼ Makukuang Bagong Audiocassette:
The Secret of Family Happiness (album na may 4 na cassette kan bilog na libro. Parahayag asin Publiko: ₱250.00; Payunir: ₱180.00.)