Teokratikong mga Bareta

Liberia: An sangang opisina sa Monrovia binuksan liwat kan Setyembre 1, pakatapos na sirrahan sa laog nin 15 bulan bilang resulta nin guerra sibil. Sinda nagreport nin sarong bagong pinakahalangkaw na kabilangan kasuarin pa man na 1,977 parahayag kan Setyembre.

Mozambique: Naabot an sarong bagong pinakahalangkaw na kabilangan na 28,005 parahayag kan Setyembre. An dating pinakahalangkaw na kabilangan 25,790 kan Mayo 1975, kaya ini sarong makahulogan na pangyayari sa teokratikong kasaysayan kan ­Mozambique.

Nepal: Naabot an sarong bagong pinakahalangkaw na kabilangan na 306 na parahayag kan Setyembre. Haros 500 na pag-adal sa Biblia an kinokonduktahan sa presente.

St. Helena: An kada pamilya sa islang ini natawan nin sarong kopya kan Kingdom News Num. 35.

An nagkapirang nasyon pinonan an taon nin paglilingkod na may bagong pinakahalangkaw na mga kabilangan sa parahayag na sagkod sa 5 porsientong mga paglangkaw kisa sa nakaaging taon na promedyo: Hong Kong, 4,230; Madagascar, 8,749 (kabale an pinakahalangkaw na kabilangan na 912 regular payunir); Taiwan, 3,497.