Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • km 10/98 p. 1
  • Ngonyan Na an Panahon

Mayong video na available para digdi.

Sori, may error sa pag-load kan video.

  • Ngonyan Na an Panahon
  • An Satong Ministeryo sa Kahadean—1998
An Satong Ministeryo sa Kahadean—1998
km 10/98 p. 1

Ngonyan Na an Panahon

1 Sarong taon na an nakaagi pakadesisyon kan kongregasyon sa Corinto na magtaong ayuda sa mga tugang na nangangaipo na nasa Jerusalem, dai pa giraray ninda tapos an proyektong ini. Kaya si Pablo nagsadol sa sainda: “Padagosan asin taposa iyan; magin galaga na taposon an mukna arog kan pagkagalaga nindo na arogon iyan.”​—2 Cor. 8:​11, The New English Bible.

2 Sa manlaenlaen na panahon, kita gabos nagbugtak nin mga pasohan para sa satong sadiri. Tibaad nagdesisyon kitang paoswagon an satong ministeryo sa langtad, orog na mamidbid an satong mga tugang, magin kualipikado para sa sarong pribilehio nin paglilingkod, o mapangganahan an sarong kaluyahan. Minsan ngani kita nagpoon na may marahay na mga intension, tibaad dai kita nakapadagos na gibohon an satong pasohan. Posible daw na kaipuhan niato mismong iaplikar an hatol na ‘ipadagos asin taposon’ an satong pinonan?

3 Paggibo kan Satong mga Pasohan: Kun kita mabugtak nin mga pasohan para sa taon nin paglilingkod, kaipuhan na magdesisyon kitang gibohon iyan na dai ipinagpapanuodma. Mahalagang marhay an personal na pag-organisar. Importanteng magtagama nin panahon na kaipuhan tanganing gibohon an satong iplinano asin seguradohon na ginagamit an panahon sa katuyohan na iyan. Marahay na magtalaan nin depinidong panahon sa paggibo kaiyan dangan disiplinahon an sadiri tangani na seguradohon na iyan matapos sa panahon na iyan.

4 Huli sa kadakol na disturbo sa satong buhay, pasil sanang matahoban an satong mga pasohan. Kaipuhan an paghihingoang marhay tangani na girumdomon an mga iyan. Makatatabang an padagos na pagpamibi niato sa bagay na iyan. An pagnota sa satong kalendaryo magpapagirumdom sa sato na helingon an satong pag-oswag. Kaipuhan na magdesisyon an saro na ‘gibohon an oyon sa napagdesisyonan nia sa saiyang puso.’​—2 Cor. 9:7.

5 An bulan na ini nin Oktubre nagtatao nin marahay na oportunidad na makapagkonsentrar sa satong mga pasohan. Dakol an ma-auxiliary payunir ngonyan na bulan. Iaalok niato an mga suskripsion sa An Torrengbantayan asin Awake! Puede daw kitang magbugtak nin rasonableng mga pasohan na gigibohon ngonyan na bulan? Kumusta man an paghihingoang dugangan an satong mga ikinakapasakamot na magasin? An pagdesisyon na gumibo nin orog pang mga pagdalaw liwat asin makapoon nin bagong pag-adal sa Biblia puedeng magin rasonableng mga pasohan para sa kadaklan.

6 Bakong madonong na idigson an mahalaga, huling “an kinaban [na ini] maagi sana.” (1 Juan 2:17) Dakol na bendisyon sa paglilingkod ki Jehova an makakamtan niato ngonyan. Nasa sato na an pag-aprobetsar kaiyan.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share