Mga Paisi
◼ Alok sa Nobyembre: An librong Kaaraman sa kontribusyon na ₱25.00. Disyembre: An Bibliang New World Translation kaiba magsalang an librong Kaaraman o an librong God’s Word sa kontribusyon na ₱125.00. O puedeng ialok an brosyur na Sarong Libro Para sa Gabos na Tawo kaiba an Biblia sa kontribusyon na ₱107.50. Enero: Nagkakasararo sa Pagsamba sa Iyo Sanang Tunay na Dios sa kontribusyon na ₱25.00. Pebrero: An Sekreto sa Kaogmahan nin Pamilya sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ Nagpaplano an Sosyedad na mag-areglo nin pag-interpretar para sa mga bongog sa “Sa Dios na Dalan nin Buhay” na Pandistritong Kombension sa Quezon City sa Disyembre 18-20, 1998. Kun siring, an siisay man na bongog na nakasasabot nin pagtaram paagi sa senyas maninigong umatender sa kombension na ini, huling mayong pag-interpretar para sa mga bongog sa ibang kombension.
◼ Mangnohon tabi sa pahina 6 kaining An Satong Ministeryo sa Kahadean na an mga petsa kan mga pandistritong kombension sa Kalibo, Aklan asin Cabanatuan City ibinalyo sa Enero 1-3, 1999, mantang an sa Lucena City asin Tandag, Surigao Sur ibinalyo sa Disyembre 25-27, 1998. Siring man, an kombension sa Cagayan de Oro City gigibohon na sa Disyembre 18-20, 1998 imbes na sa Enero 1-3, 1999.
◼ An mga parahayag na nagpaplanong mag-auxiliary payunir sa Disyembre maninigong itao an saindang aplikasyon nin amay pa tangani na an kamagurangan makagibo nin kinakaipuhan na mga areglo para sa literatura asin teritoryo.
◼ An mga oportunidad na makabiahe sa ibang nasyon mas madali nang makua sa nakaagi pa sanang mga taon. Bilang resulta, an dakol sa satong mga tugang nag-areglong mamasyar sa ibang nasyon. Sa parate, kinokontak ninda an mga sangang opisina kan Sosyedad tangani na maghagad nin impormasyon. Naoogma an mga sangang opisina na magtao nin mga adres kan Kingdom Hall asin oras nin mga pagtiripon tangani na makatabang sa pagkontak sa lokal na mga kongregasyon. Siring man, puede sindang magtao nin paggiya manongod sa pagpasyar sa sangang opisina. Minsan siring, ipinaheheling nin mga bareta na dakol pang dagdag na ihinahapot dapit sa mga areglo sa pagbiahe, dadagosan, lokal na mga pasyaran nin mga turista, asin kaagid na mga bagay. An mga sangang opisina mayo sa kamugtakan, ni na igwa man sinda nin panahon, na magsuplay nin siring kaining klase nin impormasyon. Ineenkaminar an mga namamasyar na kumonsulta sa mga pinagkukuanan nin impormasyon na siring baga kan mga ahente para sa pagbiahe, o mga ahensia para sa mga turista na sa parate nagtatao nin impormasyon para sa mga turista.
◼ Makukuang Bagong Compact Disc:
Watchtower Library 1997 na nasa CD-ROM—Ingles
◼ Makukuang Bagong Audiocassette:
Keep Your Eye Simple (Drama, sarong cassette)—Ingles