Mga Paisi

◼ Alok sa Disyembre: An Bibliang New World Translation kaiba magsalang an librong Kaaraman o an librong God’s Word sa kontribusyon na ₱125.00. O puedeng ialok an brosyur na Sarong Libro Para sa Gabos na Tawo kaiba an Biblia sa kontribusyon na ₱107.50. Enero: Nagkakasararo sa Pagsamba sa Iyo Sanang Tunay na Dios sa kontribusyon na ₱25.00. Puedeng ialok bilang pansalida an sadit na edisyon kan librong Mabuhay Sagkod Lamang sa kontribusyon na ₱20.00. Pebrero: An Sekreto sa Kaogmahan nin Pamilya sa kontribusyon na ₱25.00. Marso: An librong Kaaraman sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ Igwa kami nin pira na sanang kopya sa samong istak kan librong Life Everlasting​—in Freedom of the Sons of God sa Iloko, siring man kan librong Things in Which It Is Impossible for God to Lie sa Hiligaynon. Minsan ngani mas daan nang mga publikasyon ini, an nagkapirang indibiduwal o kongregasyon tibaad boot na magkaigwa nin kopya tangani na makompleto an saindang mga libreriya. An mga pedido para kaini maninigong ipadara paagi sa kongregasyon asin ipadadara niamo iyan basta dai pa nauubos an samong limitadong suplay. An kontribusyon ₱20.00 kada saro.

◼ Mahalagang seguradohon kan mga parahayag na iareglo nindang makikabtang sa paglilingkod sa langtad nin amay pa ngonyan na Disyembre. Kun kamo maatender sa kombension o mabakasyon, o mayo kamo sa saindong kongregasyon sa katapusan nin Disyembre, seguradohon nindo na itao an saindong report sa sekretaryo bago maghale. Kun an gabos mag-iisip na itao an report sa tamang oras kun siring magkakaigwa kita nin kompletong report para sa Disyembre.

◼ Teksto kan taon para sa 1999: An teksto kan taon para sa 1999 kinua sa 2 Corinto 6:​2: “Uya! Ngonyan an aldaw nin kaligtasan.” An gabos na kongregasyon maninigong iareglo na ibugtak an bagong teksto kan taon sa saindang Kingdom Hall sa Enero 1, 1999.

◼ Iskedyul sa Pag-adal sa Libro kan Kongregasyon: Poon sa semana nin Pebrero 1-7 sagkod sa Marso 15-21, 1999, pag-aadalan kan mga kongregasyon an bagong brosyur na iluluwas sa “Sa Dios na Dalan nin Buhay” na Pandistritong mga Kombension. Maninigong seguradohon kan mga parahayag na kumua nin kopya ninda kan brosyur na ini sa kombension tangani na igwa na sinda kaiyan pag-abot nin Pebrero 1, na iyan gagamiton sa mga Pag-adal sa Libro kan Kongregasyon.

◼ Makukuang Bagong Publikasyon:

Apply Yourself to Reading and Writing (Sarong 64 pahinang brosyur na siring kadakula kan magasin para sa mga nag-aadal na bumasa asin sumurat, na may mga ilustrasyon. Kantidad sa parahayag asin payunir: ₱17.50.)​—Ingles