Mga Paisi

◼ Alok sa Pebrero: An Sekreto sa Kaogmahan nin Pamilya sa kontribusyon na ₱25.00. Marso: An librong Kaaraman sa kontribusyon na ₱25.00. Abril asin Mayo: Sarong taon na suskripsion sa An Torrengbantayan sa kontribusyon na ₱120.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ Poon sa semana nin Marso 22, 1999, pag-aadalan an librong The Greatest Man Who Ever Lived sa mga Pag-adal sa Libro kan Kongregasyon sa Cebuano, Hiligaynon, Iloko, asin Tagalog. Sa Bicol, Pangasinan, asin Samar-Leyte, an librong Kaaraman asin Nagkakasararo sa Pagsamba an pag-aadalan. An luwas na ini kan An Satong Ministeryo sa Kahadean may kompletong iskedyul sa pag-adal sagkod sa semana nin Abril 10, 2000. Puede nindong iseroks iyan asin isaliot iyan sa saindong personal na kopya kan libro tangani na pasil gamiton durante kan masunod na taon.

◼ Maninigong repasohon kan sekretaryo asin kan paraataman sa paglilingkod an paglilingkod kan gabos na regular payunir sa kongregasyon. Sa katapusan kaining Pebrero, maninigong naabot na ninda an mga kabanga kan saindang kota para sa taon na ini nin paglilingkod. Kun an siisay man may mga problema sa pag-abot sa kahagadan na oras, maninigong iareglo kan kamagurangan na tabangan sinda tangani na makalapag sinda sa katapusan kan taon nin paglilingkod.

◼ Sa Domingo, Pebrero 14, 1999, magkakaigwa nin miting kaiba kan gabos na nagpaplanong mag-auxiliary payunir durante kan mga bulan nin Marso, Abril, asin Mayo ngonyan na taon. Ineenkaminar an gabos na umatender. Mantang an kahagadan ibinaba na ngonyan sa 50 oras, daing duwa-duwa na dakol an makaaayon sa taon na ini. Pangengenotan kan Paraataman sa Paglilingkod an miting na ini asin maninigong siertohon nia na igwang supisyenteng mga Application for Auxiliary Pioneer Service.

◼ Kun dai pa ini nagigibo, boot niamong ipagirumdom sa mga kongregasyon na siertohon na ipadara an saindang pedido para sa dugang pang mga magasin na gagamiton nindo durante kan Abril asin Mayo, na kinokonsiderar an bilang nin ma-auxiliary payunir sa mga bulan na iyan.

◼ Poon kan Enero 1, 1999, an presyo kan mga edisyon kan Biblia na Philippine Bible Society sa gabos na lokal na lenguahe nag-aumento sa ₱200.00 kada saro.

◼ Makukuang Bagong mga Publikasyon:

What Happens to Us When We Die? (32 pahinang brosyur)​—Bicol, Cebuano, Hiligaynon, Iloko, Ingles, Intsik, Pan­gasinan, Samar-Leyte, Tagalog

Is There a Creator Who Cares About You? (192 pahinang libro; Parahayag asin Publiko: ₱20.00; Payunir: ₱15.00)​—Ingles sana