Repaso sa Teokratikong Paadalan sa Pagmiministro
Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 6 sagkod Disyembre 20, 1999. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.
[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]
Simbagon nin Tama o Sala an kada saro sa minasunod na mga pahayag:
1. Tinogotan ni Jehova an independienteng pamamahala nin tawo tanganing patunayan na an Saiyang paagi nin pamamahala pirmeng tama asin makatanosan. (Deut. 32:4; Job 34:10-12; Jer. 10:23) [w97-BI 2/15 p. 5 par. 3]
2. Sinasabi kan Biblia na kinokondenar nin Dios an gabos na pagreklamo. [w97-BI 12/1 p. 30 par. 3-4]
3. Pinagdadanay nin mga magurang an tamang punto de vista sa relasyon sa saindang mga aki na may agom na paagi sa pagmidbid sa diosnon na mga prinsipyo nin pagkapayo asin marahay na areglo. (Gen. 2:24; 1 Cor. 11:3; 14:33, 40) [fy p. 164 par. 6]
4. Ipinaheheling kan Marcos 6:31-34 na si Jesus napahiro nin pagkaherak sa kadaklan huli sana sa saindang helang asin kadukhaan. [w97-BI 12/15 p. 29 par. 1]
5. Kun an sarong Kristiano na kabilang sa grupong ibang karnero dai nakaatender sa Memorial kan kagadanan ni Jesus, maninigo niang selebraron iyan pakalihis nin sarong bulan kaoyon sa prinsipyo na sinabi sa Bilang 9:10, 11. (Juan 10:16) [Semanal na babasahon sa Biblia; helingon an w93-BI 2/1 p. 31 par. 9.]
6. Minsan ngani an Kristianong mga apoon dai kinukua an paninimbagan kan ama asin ina na itadom an mga katotoohan kan Biblia sa saindang mga aki, an mga apoon puedeng magin komplemento sa pagkontribwir sa espirituwal na pagtalubo nin aki. (Deut. 6:7; 2 Tim. 1:5; 3:14, 15) [fy p. 168 par. 15]
7. Ipinaheheling kan Talinhaga 6:30 na an paghabon puedeng pagpasensiahan o tawan nin katanosan sa irarom nin nagkapirang kamugtakan. [g97-E 11/8 p. 19 par. 2]
8. Kan 1530, si William Tyndale an kaenot-enoteng naggamit kan ngaran nin Dios, na Jehova, sa traduksion sa Ingles kan Hebreong Kasuratan. [w97-BI 9/15 p. 28 par. 3]
9. Ngonyan, an antitipikong siudad na pailihan iyo an probisyon nin Dios para sa pagprotehir sa sato sa kagadanan huli sa paglapas sa saiyang togon manongod sa kabanalan nin dugo. (Bil. 35:11) [Semanal na babasahon sa Biblia; helingon an w95-BI 11/15 p. 17 par. 8.]
10. An ngaran na Deuteronomio, na nangangahulogan “Ikaduwang Ley,” angay huli ta an librong ini kan Biblia pag-otro sana kan Ley. [Semanal na babasahon sa Biblia; helingon an si p. 36 par. 4.]
Simbagon an minasunod na mga hapot:
11. Ano an ilinaladawan kan duwang may lebadurang tinapay na idinodolot kan halangkaw na saserdote durante kan Kapiestahan nin Pentecostes? (Lev. 23:15-17) [Semanal na babasahon sa Biblia; helingon an w98-BI 3/1 p. 13 par. 21.]
12. Kasuarin nagpoon an Kristianong Jubileo, asin anong klaseng katalingkasan an itinao kaiyan kan panahon na idto? (Lev. 25:10) [Semanal na babasahon sa Biblia; helingon an w95-BI 5/15 p. 24 par. 14.]
13. Oyon sa rekord sa libro nin Bilang, an pagkatadang buhay depende sa anong tolong bagay? [si p. 30 par. 1]
14. Sa anong paagi na si Moises marahay na halimbawa sa pagpaheling na sia bakong maimon? (Bil. 11:29) [Semanal na babasahon sa Biblia; helingon an w95-BI 9/15 p. 18 par. 11.]
15. Paano iiniilustrar kan kaso ni Core, Datan, asin Abiram na an pakaheling dai pirmeng minagiya sa pagtubod? [w97-BI 3/15 p. 4 par. 2]
16. Anong duwang aspekto nin pagtao nin onra sa may edad nang mga magurang an itinatampok sa Mateo 15:3-6 asin 1 Timoteo 5:4? [fy p. 173-5 par. 2-5]
17. Anong importanteng leksion an idinodoon sa Bilang 26:64, 65? [Semanal na babasahon sa Biblia; helingon an g95-E 8/8 p. 10-11 par. 5-8.]
18. Paano an halimbawa ni Fineas nakatatabang sa sato na masabotan an kahulogan kan pagdusay ki Jehova? (Bil. 25:11) [Semanal na babasahon sa Biblia; helingon an w95-BI 3/1 p. 16 par. 12-13.]
19. Paano an saro na nasa antitipikong siudad na pailihan puedeng ‘makaluwas sa linderos’ kan siudad? (Bil. 35:26) [Semanal na babasahon sa Biblia; helingon an w95-BI 11/15 p. 20 par. 20.]
20. Sa anong paagi na an Kodise Sinaitico nagin kapakipakinabang sa pagtradusir kan Biblia? [w97-BI 10/15 p. 11 par. 2]
Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:
21. Tinogotan ni Jehova na mag-eksister an karatan tanganing patunayan nin makasaro an pundamental na katotoohan na sia sana an ․․․․․․․․ asin na an ․․․․․․․․ sa saiyang mga ley kaipuhan na marhay para sa padagos na katoninongan asin kaogmahan kan gabos niang linalang. (Sal. 1:1-3; Tal. 3:5, 6; Ecl. 8:9) [w97-BI 2/15 p. 5-6 par. 4]
22. An librong Levitico lataw sa pagtampok kan ․․․․․․․․ nin dugo, na nagpapaheling na an solamenteng paggamit na itinogot para dian iyo an ․․․․․․․․. [si p. 29 par. 33]
23. Kaoyon kan Salmo 144:15b, an tunay na kaogmahan sarong kamugtakan kan puso, na basado sa tunay na ․․․․․․․․ asin marahay na ․․․․․․․․ ki Jehova. [w97-BI 3/15 p. 23 par. 7]
24. An Biblia na resulta kan traduksion kan Hebreong Biblia sa komun na Griego, na natapos kan mga 150 B.C.E., namidbid bilang an ․․․․․․․․; an traduksion ni Jeronimo kan Biblia sa Latin namidbid bilang an ․․․․․․․․, na natapos kan mga 400 C.E. [w97-BI 8/15 p. 9 par. 1; p. 10 par. 4]
25. Paagi sa paggamit kan mga pagkasaysay manongod ki Balaam asin Core na nasusurat sa libro nin Bilang, pinatanidan ni Judas an mga Kristiano na magbantay tumang sa mga atbong na ․․․․․․․․ asin ․․․․․․․․. [si p. 35 par. 35]
Pilion an tamang simbag sa kada saro sa minasunod na mga pahayag:
26. Sarong beses kada taon, sa (Kapiestahan nin mga Payag-payag; Aldaw nin Pagtubos; Paskua), an bilog na nasyon nin Israel, kaiba an mga nakihihimanwa na nagsasamba ki Jehova, kinaipuhan na (pumondo sa gabos na trabaho; magtao nin tinagba; magdolot nin enot na mga bunga) asin mag-ayuno. (Lev. 16:29-31) [Semanal na babasahon sa Biblia; helingon an w96-BI 7/1 p. 10 par. 12.]
27. An saro sa mga pasohan kan Komite sa Pagtradusir kan Bibliang Bagong Kinaban makaprodusir nin traduksion na (literal sagkod sa mapupuede; pagpakahulogan sa ibang pananaram kan orihinal na mga lenguahe; kaoyon nin sarong partikular na pakasabot sa doktrina) tanganing matawan an nagbabasa nin mas hararom na pakasabot sa karakteristiko kan orihinal na mga lenguahe asin sa konektadong mga ideya. [w97-BI 10/15 p. 11-12 par. 5]
28. Segun sa Hebreo 13:19, an daing ontok na mga pamibi nin mga kapagtubod mahalagang marhay kun dapit sa (kun ano an itinotogot nin Dios; kun noarin mahiro an Dios; kun paano mamaniobrahon nin Dios an mga bagay). [w97-BI 4/15 p. 6 par. 1]
29. An “asul na lubid sa itaas kan kabingkabing sa gayad” kan mga Israelita kahagadan bilang sarong (sagradong dekorasyon; tanda nin kabinian; naheheling na pagirumdom na magin siblag sa kinaban bilang banwaan ni Jehova). (Bil. 15:38, 39) [Semanal na babasahon sa Biblia; helingon an w84-BI 7/1 p. 17 par. 16 (w83-E 10/15 p. 20 par. 16).]
30. An lawig nin panahon na kinobrehan kan librong Deuteronomio (duwang bulan; sarong taon; duwang taon), asin an pagsurat kaiyan natapos kan pagpopoon kan (1513; 1473; 1467) B.C.E. [si p. 36 par. 6]
Ipadis an minasunod na mga teksto sa mga pahayag na nasa ibaba:
Bil. 16:41, 49; Mat. 19:9; Luc. 2:36-38; Col. 2:8; 3:14
31. An ascetismo dai minagiya sa espesyal na kabanalan o tunay na kaliwanagan. [g97-E 10/8 p. 21 par. 3]
32. An pakikisaro iyo an solamenteng Makakasuratan na dahelan para sa diborsio na may posibilidad na mag-agom liwat. [fy p. 158-9 par. 15]
33. An pagigin aktibong marhay sa teokratikong mga aktibidad, dawa pa sa huring mga taon, makatatabang sa saro na makayang atubangon an pagkawara nin agom. [fy p. 170-1 par. 21]
34. An pagtatsar sa paagi nin pagtao nin hustisya ni Jehova paagi sa saiyang ninombrahan na mga lingkod puedeng magkaigwa nin kapahapahamak na mga resulta. [Semanal na babasahon sa Biblia; helingon an w96-BI 6/15 p. 21 par. 13.]
35. An daing kapasloan na pagkamoot binobogkos an mag-agom asin pinahihiro sindang mawoton na gibohon an pinakamarahay para sa lambang saro asin para sa saindang mga aki. [fy p. 187 par. 11]