Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Mayo 1 sagkod Agosto 21, 2000. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. An simbag ni Gedeon sa mayo nin marahay na basehan na berbal na pag-atake kan kalalakihan nin Efraim naghayag kan saiyang kahoyoan asin kapakumbabaan patin sa siring pinalihis an saindang bakong makatanosan na pagkritika asin napagdanay an katoninongan. (Hok. 8:​1-3) [Semanal na babasahon sa Biblia]

2. Minsan ngani nagsabi si Manoa na “an Dios an satong naheling,” an totoo an naheling ninda mag-agom iyo an nagmateryalisar na personal na isinugong parataram nin Dios asin bakong si Jehova mismo. (Hok. 13:22) [Semanal na babasahon sa Biblia; helingon an w88-E 5/15 p. 23 par. 3.]

3. Sa Hokom 5:​31, an pananaram na “an mga namomoot sa saimo” nanonongod sa makahulang paagi sa 144,000 na paramana kan Kahadean. [si p. 50 par. 28]

4. Mayong nakuang mga kapidaso kan librong Rut sa Mga Balumbon sa Gadan na Dagat. [si p. 51 par. 3]

5. An Hokom 21:​25 nagtataram manongod sa peryodo nin panahon na pinabayaan ni Jehova an nasyon nin Israel na mayo nin ano man na paggiya. [Semanal na babasahon sa Biblia; helingon an w95-BI 6/15 p. 22 par. 16.]

6. An mga ladawan nin kerubin sa kaban kan tipan nagparisa kan sa hadeng presensia ni Jehova, na sinasabing “nagtutukaw sa [o, “nasa pag-oltanan kan”] mga kerubin.” (1 Sam. 4:​4, nota sa ibaba) [Semanal na babasahon sa Biblia; helingon an w80-E 11/1 p. 29 par. 2.]

7. Kan an mga soldados ni Saul kumakan nin dugo huli sa desesperadong situwasyon asin dai kinastigo, ini nagpaheling na tibaad may makatanosan na mga dahelan para sa temporaryong pagbasangbasang sa ley nin Dios tanganing papagdanayon an buhay. (1 Sam. 14:​24-​35) [Semanal na babasahon sa Biblia; helingon an w94-BI 4/15 p. 31 par. 7-9.]

8. Minsan ngani ikinokonektar nin iba an terminong “pangongombensir” sa paghinohino asin katusohan, iyan puedeng gamiton sa positibong sentido tanganing itao an ideya nin pagkombensir asin pagpangyaring maliwat an isip paagi sa marahay, lohikong pangangatanosan. (2 Tim. 3:​14, 15) [w98-BI 5/15 p. 21 par. 4]

9. An “supot nin buhay” nanonongod sa itinao nin Dios na pagprotehir asin pag-iingat, na pakikinabangan ni David kun linikayan nia an pagkakasala sa dugo sa mata nin Dios. (1 Sam. 25:29) [Semanal na babasahon sa Biblia; helingon an w91-E 6/15 p. 14 par. 3.]

10. An Davidikong tipan sa Kahadean, na nasambitan sa 2 Samuel 7:​16, pinasadit an linya kan Banhi na minasagkod sa Mesiyas asin sarong legal na garantiya na may magikan sa linya ni David na mamamahala “sa daing talaan na panahon.” [Semanal na babasahon sa Biblia; helingon an w89-BI 2/1 p. 17 par. 21–​p. 18 par. 22 (w89-E 2/1 p. 14 par. 21–​p. 15 par. 22).]

Simbagon an minasunod na mga hapot:

11. Anong garantiya an itinatao kan Salmo 34:18? [w98-BI 4/1 p. 31 par. 2]

12. Ano an ipinaririsa kan bagay na si Jose tinawan nin ikaduwang ngaran na Bernabe? (Gibo 4:36) [w98-BI 4/15 p. 20 par. 3, nota sa ibaba]

13. Taano ta sinasabi kan pagkasaysay sa Biblia na padagos na tinawan nin onra ni Eli an saiyang mga aking lalaki nin labi kisa pagtao nia nin onra ki Jehova? (1 Sam. 2:​12, 22-​24, 29) [Semanal na babasahon sa Biblia; helingon an w96-BI 9/15 p. 13 par. 14.]

14. Taano an librong Rut ta maninigo na magparigon sa satong kompiansa sa mga panuga sa Kahadean? [si p. 53 par. 10]

15. Segun sa 1 Samuel 1:​1-7, ano an pambihirang halimbawa na itinao kan pamilya ni Samuel? [Semanal na babasahon sa Biblia; helingon an w98-BI 3/1 p. 16 par. 12.]

16. Sa anong sentido masasabi na an ‘kapangyarihan nin kayamanan mapandaya’? (Mat. 13:22) [w98-BI 5/15 p. 5 par. 1]

17. Paano ipinaheling kan mas matuang si Jonatan an pagmidbid sa linahidan ni Jehova, si David, asin ano an irinerepresentar kaini ngonyan? (1 Sam. 18:​1, 3, 4) [Semanal na babasahon sa Biblia; helingon an w89-BI 2/1 p. 8, 10 par. 4, 13 (w89-E 1/1 p. 24, 26 par. 4, 13).]

18. Minsan ngani sia “daing katuyawan asin matanos,” paano ipinaririsa kan libro nin Job na ini dai nangangahulogan na si Job sangkap? (Job 1:8) [w98-E 5/1 p. 31 par. 1]

19. Ano an ipinaririsa kan pananaram na “maghingoa kamo nin maigot”? (Luc. 13:24) [w98-E 6/15 p. 31 par. 1, 4]

20. Mantang kita nasa kaibahan nin iba sa gibohon, anong mahalagang leksion an puedeng isapuso, siring kan nasusurat sa 2 Samuel 12:​26-​28? [Semanal na babasahon sa Biblia; helingon an w93-E 12/1 p. 19 par. 19.]

Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:

21. An grabeng pagkondenar ni Jehova sa pagsamba ki Baal maninigo na magtulod sa sato na rayoan an mga katumbas nin ․․․․․․․․, ․․․․․․․․, asin ․․․․․․․․ sa presenteng aldaw. (Hok. 2:​11-​18) [si p. 50 par. 26]

22. Durante kaidtong kaaldawan ni Samuel na natapos an kapanahonan kan ․․․․․․․․ asin nagpoon an kapanahonan nin ․․․․․․․․ na makaheheling sa pagkawara kan pabor ni Jehova sa Israel sa katapustapusi. [si p. 53 par. 1]

23. An banal na ngaran, an Jehova, nangangahulogan “․․․․․․․․” asin nagpaparisa na kayang gibohon ni Jehova an ano man na katongdan na kaipuhan tanganing magibo an saiyang ․․․․․․․․. [w98-BI 5/1 p. 5 par. 3]

24. Si Eli asin si Saul parehong bakong mapanggana huli ta an enot ․․․․․․․․ asin an ikaduwa nagin ․․․․․․․․. [si p. 57 par. 27]

25. An parabola ni Jesus dapit sa makikapwa-tawong Samaritano nagpapaheling na an tunay na tanos na tawo iyo idtong bako sanang nagkukuyog sa ․․․․․․․․ nin Dios kundi siring man nag-aarog sa saiyang ․․․․․․․․. (Luc. 10:​29-​37) [w98-E 7/1 p. 31 par. 2]

Pilion an tamang simbag sa kada saro sa minasunod na mga pahayag:

26. An mahiwas na kualidad nin (kadonongan; kapangyarihan; pagkamoot) ni Jehova maheheling sa saiyang pagpili sa Moabitang si (Rut; Noemi; Orpa), na dating nagsasamba ki (Baal; Kemos; Dagon), na nakombertir sa tunay na relihion asin nagin apoon ni Jesu-Cristo. (Mat. 1:​3, 5, 16) [si p. 51 par. 1]

27. An kapanahonan kan pamamahala nin mga hokom sa Israel natapos kan si (Samuel; David; Saul) linahidan bilang hade asin dai nahaloy pakatapos kaiyan nandaog sa mga (Amonita; Moabita; Filisteo) sa tabang ni Jehova. (1 Sam. 11:​6, 11) [Semanal na babasahon sa Biblia; helingon an w95-BI 12/15 p. 9 par. 2–​p. 10 par. 1.]

28. An (apostol na si Pablo; saiyang ama; saiyang ina asin lola) an nangenot sa pagtotokdo ki Timoteo sa “banal na mga kasuratan” sagkod na sia maheling na magin sarong marahayon na misyonero asin paraataman. (2 Tim. 3:​14, 15; Fil. 2:​19-​22) [w98-BI 5/15 p. 8 par. 3–​p. 9 par. 5]

29. An ministeryo ni (David; Samuel; Jonatan) mantang hoben pa maninigo na makaenkaminar sa mga hoben na akoon an ministeryo ngonyan, asin an saiyang pagpadagos na daing pagretiro sagkod sa katapusan kan saiyang mga aldaw maninigong makapakosog sa mga dai nang kosog huli sa kagurangan. [si p. 58 par. 30]

30. An peryodo na kinobrehan kan 2 Samuel poon (1077 sagkod mga 1040; 1077 sagkod mga 1037; 1070 sagkod mga 1040) B.C.E. [si p. 59 par. 3]

Ipadis an minasunod na mga teksto sa mga pahayag na nasa ibaba:

Hok. 11:​30, 31; 1 Sam. 15:​22; 30:​24, 25; 2 Hade 6:​15-​17; Sant. 5:​11

31. Si Jehova nagtatao nin garantiya na gagamiton nia an saiyang langitnon na mga hukbo tanganing protehiran an saiyang banwaan oyon sa saiyang kabotan. [w98-BI 4/15 p. 29 par. 5]

32. An mga paraataman sa kongregasyon may paninimbagan na magsusog sa saindang mga pakipagkontrata maski ngani iyan puedeng magin makolog asin masakripisyo kun beses. [w99-BI 9/15 p. 10 par. 3-4]

33. An pagpadanay nin integridad sa irarom nin pagbalo nagbubunga nin dakulang balos hale ki Jehova Dios. [w98-E 5/1 p. 31 par. 4]

34. An tunay na pagkamoot sa Dios naghahagad nin pagkuyog sa mga direktiba nin Dios asin bako sanang pagdolot nin mga atang sa saiya. [Semanal na babasahon sa Biblia; helingon an w96-BI 6/15 p. 5 par. 1.]

35. Si Jehova nagpapaheling nin hararom na pag-apresyar sa mga naglilingkod sa mapagsuportar na mga katongdan sa saiyang organisasyon ngonyan. [Semanal na babasahon sa Biblia; helingon an w86-E 9/1 p. 28 par. 4.]