Repaso sa Teokratikong Paadalan sa Pagmiministro
Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 4 sagkod Disyembre 18, 2000. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.
[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]
Simbagon nin Tama o Sala an kada saro sa minasunod na mga pahayag:
1. Pinogolan ni David si Abisai na gadanon si Simai huli ta si David may sala sa mga sahot ni Simai tumang sa saiya. (2 Sam. 16:5-13) [Semanal na babasahon sa Biblia; helingon an w99-BI 5/1 p. 32 par. 3.]
2. An malinig, tama an pagkapatood na konsensia bako sanang nagbubunga nin mamomoton, personal na relasyon sa Dios kundi kaipuhan man iyan sa satong kaligtasan. (Heb. 10:22; 1 Ped. 1:15, 16) [w98-BI 9/1 p. 4 par. 4]
3. An salaysay kan 1 Hade may makasaysayan sanang halaga para sa sarong Kristiano huli ta solamente 2 sa 14 hade na namahala sa Israel asin Juda pagkagadan ni Salomon an nagin mapanggana sa paggibo kan tama sa mga mata ni Jehova. [si p. 64 par. 1]
4. An Sangribong Taon na Paghade ni Jesus puedeng ikomparar sa matoninong asin maoswag na 40 taon na pamamahala ni Salomon. (1 Hade 4:24, 25, 29) [Semanal na babasahon sa Biblia; helingon an w90-BI 6/1 p. 6 par. 5.]
5. An disenteng lobong ni Abias malinaw na ebidensia na sia sarong fiel na parasamba ni Jehova, an solamente hale sa kamag-anakan ni Jeroboam. (1 Hade 14:10, 13) [Semanal na babasahon sa Biblia; helingon an w95-BI 4/1 p. 12 par. 11.]
6. An pag-agi sa Kristianong bautismo tanda na an saro nagin nang maygurang na lingkod nin Dios. [w98-E 10/1 p. 28 par. 2]
7. Tinawan ni Jehova si Elias nin lihis sa tawong pagkapusoan asin ginibong dai naaapektaran nin takot. (1 Hade 18:17, 18, 21, 40, 46) [Semanal na babasahon sa Biblia; helingon an w98-BI 1/1 p. 31 par. 2.]
8. An templo ni Salomon sarong pambihirang estruktura bako sanang huli sa kamurawayan asin materyal na kagayonan kaiyan kundi huli sa pagserbing anino kaiyan kan orog pa kamamuraway na espirituwal na templo ni Jehova. [si p. 69 par. 26]
9. An pagbuta sa hukbong militar kan mga taga Siria sa pagboot ni Eliseo minalataw na pagkabuta sa isip huling naheheling ninda si Eliseo alagad dai namimidbid kun siisay sia. (2 Hade 6:18, 19) [Semanal na babasahon sa Biblia; helingon an si p. 70-1 par. 10.]
10. An pagbugtak kan “Pagpatotoo,” na nasambitan sa 2 Hade 11:12, sarong simbolikong kapahayagan na nagpapaheling na an interpretasyon kan hade sa Ley nin Dios dai na mababago asin maninigong kuyogon. [Semanal na babasahon sa Biblia; helingon an w91-E 2/1 p. 31 par. 6.]
Simbagon an minasunod na mga hapot:
11. Kaoyon kan 1 Juan 2:15-17, ano an maninigong isadol kan diosnon na mga magurang na likayan kan saindang mga aki kun ginigiyahan sinda sa pagpili nin angay na sekular na trabaho? [w98-BI 7/15 p. 5 par. 3 (w98-E 7/15 p. 5 par. 2)]
12. Ano an boot sabihon sa 2 Samuel 18:8, na nagsasabi: ‘An kadlagan mas dakol an hinalon sa banwaan kisa hinalon kan espada’? [Semanal na babasahon sa Biblia; helingon an w87-E 3/15 p. 31 par. 2.]
13. Siisay ngonyan an puedeng ikomparar sa mga paryente ni Goliat, an mga Refaim, asin ano an hinihingoa nindang gibohon? (2 Sam. 21:15-22) [Semanal na babasahon sa Biblia; helingon an w89-BI 1/1 p. 20 par. 8.]
14. Ano an sarong kapakipakinabang na prinsipyo sa Biblia na manonodan niato sa 2 Samuel 6:6, 7? [si p. 63 par. 30]
15. Anong importanteng prinsipyo an manonodan sa pangyayari may koneksion sa tawo na ginadan huli sa pagbalga sa Sabbath? (Num. 15:35) [w98-BI 9/1 p. 20 par. 2]
16. Paagi sa paggibo nin ano puede niatong arogon an reyna nin Seba, na nagbiahe nin harayo tangani na madangog an “kadonongan ni Salomon”? (1 Hade 10:1-9) [Semanal na babasahon sa Biblia; helingon an w99-BI 7/1 p. 31 par. 1-2.]
17. Segun sa 1 Hade 17:3, 4, 7-9, 17-24, sa anong tolong paagi ipinaheling ni Elias an pagtubod ki Jehova? [Semanal na babasahon sa Biblia; helingon an w92-BI 4/1 p. 23 par. 4 (w92-E 4/1 p. 19 par. 5).]
18. Taano an pagsayuma ni Nabot na itao an saiyang ubasan ki Acab ta bako man talaga pagpaheling nin katagasan nia nin payo? (1 Hade 21:2, 3) [Semanal na babasahon sa Biblia; helingon an w97-BI 8/1 p. 13 par. 18.]
19. Paano an mga tataramon sa 2 Hade 6:16 nagserbing pamparigon sa boot kan mga lingkod ni Jehova ngonyan? [Semanal na babasahon sa Biblia; helingon an w98-BI 6/15 p. 18 par. 5.]
20. Sa anong mga paagi an tunay na mga Kristiano ngonyan maninigong magmaan tumang sa simoniya? [w98-BI 11/15 p. 28 par. 5]
Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:
21. An tunay na Kristiano dai dapat na padaog sa ․․․․․․․․ asin makikabtang sa mga kostumbre na ikinaaanggot nin ․․․․․․․․. (Tal. 29:25; Mat. 10:28) [w98-BI 7/15 p. 20 par. 5]
22. Sa pagpatotoo sa atubangan ni Hadeng Agripa, si Pablo naggamit nin ․․․․․․․․, na idinodoon an mga punto na ․․․․․․․․ ninda ni Agripa. (Gibo 26:2, 3, 26, 27) [w98-BI 9/1 p. 31 par. 3]
23. Huling an Dios ․․․․․․․․, tibaad isipon nin nagkapira na sia bakong persona, alagad an parate asin sigidong mga panahon nin ․․․․․․․․ pangyayarihon an saro na ‘maheling an Saro na dai naheheling.’ (Heb. 11:27) [w98-BI 9/15 p. 21 par. 3-4]
24. Sa kaso kan heneral nin Siria na si ․․․․․․․․, kun beses dakula an mga pakinabang na nakukua gikan sa kadikit sanang ․․․․․․․․. [Semanal na babasahon sa Biblia; helingon an w99-BI 2/1 p. 3 par. 6–p. 4 par. 1.]
25. Kun paanong an puso ni Jonadab kapareho kan ki Hadeng Jehu, an ․․․․․․․․ ngonyan bilog na pusong rinerekonoser asin nakikikooperar sa Jehu na Orog na Dakula, si ․․․․․․․․, na irinerepresentar sa daga kan ․․․․․․․․. (2 Hade 10:15, 16) [Semanal na babasahon sa Biblia; helingon an w98-BI 1/1 p. 13 par. 5-6.]
Pilion an tamang simbag sa kada saro sa minasunod na mga pahayag:
26. Si (Satanas; Jehova; Joab) an nagsutsut ki David na magkasala paagi sa ‘pagbilang sa Israel.’ (2 Sam. 24:1) [Semanal na babasahon sa Biblia; helingon an w92-E 7/15 p. 5 par. 2.]
27. Kaoyon kan 1 Hade 8:1 asin Eclesiastes 1:1, tinipon ni Salomon an banwaan tangani na (magtogdok kan templo; lapagon an mga kaiwal kan Israel; sambahon si Jehova). [Semanal na babasahon sa Biblia; helingon an si p. 112 par. 3.]
28. An peryodong 20 taon na sa panahon na iyan itinogdok ni Salomon an templo asin an saiyang harong sa Jerusalem ikakokomparar sa sarong peryodo nin pagliliwat sa doktrina asin organisasyon na nagpoon kan (1919; 1923; 1931) asin natapos kan (1938; 1942; 1950). (1 Hade 9:10) [Semanal na babasahon sa Biblia; helingon an w92-E 3/1 p. 20 kahon.]
29. An terminong “kalangitan” na ginamit sa 2 Hade 2:11 nanonongod sa (espirituwal na erokan nin Dios; pisikal na uniberso; atmospera kan daga, kun saen naglalayog an mga gamgam asin naghuhuyop an doros). [Semanal na babasahon sa Biblia; helingon an w97-BI 9/15 p. 15 kahon.]
30. Si (Herodes na Dakula; Augusto Cesar; Tiberio Cesar) an nagboot kan sensus na nagresulta sa pagkamundag ni Jesus sa Betlehem imbes na sa Nazaret. [w98-BI 12/15 p. 7 kahon]
Ipadis an minasunod na mga teksto sa mga pahayag na nasa ibaba:
Sal. 15:4; 2 Sam. 12:28; 2 Sam. 15:18-22; 2 Hade 3:11; Col. 3:13
31. An pagkapayo sa teokratikong areglo ni Jehova maninigong igalang. [si p. 63 par. 30]
32. An kaimbodan sa organisasyon ni Jehova asin sa mga representante kaiyan dapat na papagdanayon. [si p. 63 par. 30]
33. An apresasyon sa pagkaherak ni Jehova puedeng magmotibar sa saro na magpogol asin tahoban an mga pagkukulang. [w98-BI 11/1 p. 6 par. 3]
34. Sarong pribilehio na magpaheling nin pagigin mapagpasakat asin mapakumbabang maglingkod sa fiel na mga lingkod ni Jehova na nasa espesyal na paglilingkod. [Semanal na babasahon sa Biblia; helingon an w97-BI 11/1 p. 31 par. 1.]
35. An tawo na may takot sa Dios ginigibo an saiyang pinakamakakaya na otobon an saiyang panuga na bayadan an saiyang mga utang, dawa kun may dai linalaoman na mga pangyayari na nagpapagin mas depisil kaiyan kisa sa linalaoman. [w98-BI 11/15 p. 27 par. 1]