Mga Paisi

◼ Alok sa Pebrero: Life​—How Did It Get Here? By Evolution or by Creation? Kun saen dai parateng ginagamit an Ingles, puedeng ialok imbes an librong Kaogmahan nin Pamilya. Marso: Itatampok an librong Kaaraman na may paghihingoang makapoon nin mga pag-adal sa Biblia. Abril asin Mayo: Indibiduwal na mga kopya kan An Torrengbantayan asin Awake! Magdara nin brosyur na Kahagadan para sa mga interesado, asin maghingoang makapoon nin mga pag-adal sa Biblia.

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir. Sa katapusan kaining Pebrero maninigong nakareport na sinda nin mga 420 oras. Kun an siisay man nadedepisilan na maabot an kahagadan na oras, maninigong iareglo kan kamagurangan na magtao nin tabang tangani na mahipnoan ninda an dai naabot na oras durante kan natatada pang anom na bulan kan taon. Para sa mga suhestion, repasohon an taonan na surat kan Sosyedad na S-201 na may petsang Nobyembre 1, 2000. Helingon man an parapo 12-20 kan suplemento kan An Satong Ministeryo sa Kahadean na Setyembre 1986.

◼ Maninigong siyasaton an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun nagibo na ini, ianunsiar sa kongregasyon pakatapos na basahon an sunod na report sa kuenta.

◼ Sa Domingo, Pebrero 18, 2001, magkakaigwa nin miting kaiba kan gabos na nagpaplanong mag-auxiliary payunir durante kan mga bulan nin Marso, Abril, asin Mayo. Ineenkaminar an gabos na umatender. Mantang an kahagadan 50 oras na sana, daing duwa-duwa na dakol an makahihimong makikabtang durante kan mga bulan na ini nin tig-init. Pangengenotan kan paraataman sa paglilingkod an miting asin maninigong siertohon nia na igwang supisyenteng mga Application for Auxiliary Pioneer Service.

◼ Kun dai pa ini nagigibo, boot niamong ipagirumdom sa mga kongregasyon na siertohon na ipadara tolos-tolos an saindang kahagadan para sa dugang pang mga magasin na gagamiton durante kan Abril asin Mayo, na kinokonsiderar an kabilangan nin ma-auxiliary payunir durante kan mga bulan na iyan.

◼ Pagkorehir: Sa Mga Paisi kan An Satong Ministeryo sa Kahadean na Enero, nasambitan na an espesyal na pampublikong pahayag na nakaiskedyul para sa Abril 1 puedeng gibohon sa sunod na semana kun an kongregasyon sinosongko kan paraataman sa sirkito o may asamblea sa katapusan kan semanang iyan. Mantang an Memorial gigibohon sa sunod na semana, an espesyal na pahayag maninigong gibohon pakalihis nin duwang semana, sa Abril 15, 2000 sa siring na mga kamugtakan. Tabi tawan ini nin atension kun nag-iiskedyul nin mga pahayag.

◼ Mantang Domingo an Memorial ngonyan na taon, mayo nang ibang pagtiripon na maninigong iiskedyul sa aldaw na iyan. Maninigong iareglo kan kamagurangan sa lokal na gibohon sa ibang aldaw kan semanang iyan an mga pagtiripon sa Domingo.

◼ Makukuang Bagong mga Publikasyon:

New World Translation of the Holy Scriptures​—Tagalog

Isaiah’s Prophecy​—Light for All Mankind I​—Cebuano, Ingles, Hiligaynon, Iloko, Tagalog

Puede Kang Magin Katood nin Dios!​—Bicol, Cebuano, Intsik, Ingles, Hiligaynon, Iloko, Pangasinan, Samar-Leyte, Tagalog

◼ Makukuang Bagong Audiocassette:

Warning Examples for Our Day​—Ingles (Sasarong cassette; ini an drama na naheling niato sa satong nakaagi pa sanang pandistritong mga kombension.)

◼ Makukuang Bagong Videocassette:

Our Whole Association of Brothers​—Ingles