Mga Paisi
◼ Alok sa Marso: Itatampok an librong Kaaraman na may paghihingoang makapoon nin mga pag-adal sa Biblia. Abril asin Mayo: Indibiduwal na mga kopya kan An Torrengbantayan asin Awake! Kun interesado an mga dinadalaw liwat, puedeng mag-alok nin mga suskripsion. Magdara nin librong Kaaraman o brosyur na Kahagadan para sa mga interesado, asin maghingoang makapoon nin mga pag-adal sa Biblia. Hunyo: An librong Kaaraman o brosyur na Kahagadan na may paghihingoang makapoon nin mga pag-adal sa Biblia.
◼ Poon sa Abril, itatao kan mga paraataman sa sirkito an pampublikong pahayag na may temang “Pamamahala nin Tawo—Tinimbang sa Timbangan” kun sinosongko an mga kongregasyon.
◼ An mga parahayag na boot na maglingkod bilang auxiliary payunir sa Abril asin Mayo maninigo nang gumibo kan saindang mga plano ngonyan asin itao nin amay an saindang aplikasyon. Tatabangan kaini an kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin asin iba pang literatura na magagamit ninda. Maninigong ianunsiar sa kongregasyon an ngaran kan gabos na aprobado bilang auxiliary payunir.
◼ Gigibohon an Memorial sa Domingo, Abril 8, 2001. Mayong pagtiripon apuera sa mga pagtiripon bago lumuwas sa paglilingkod sa langtad an gigibohon sa aldaw na iyan. An kamagurangan puedeng gumibo nin angay na mga areglo para sa Pag-adal sa Torrengbantayan na pamamayohan sa ibang panahon.
◼ Babasahon sa Biblia Para sa Memorial: Ineenkaminar an gabos na basahon an isinuherir na kabtang kan Biblia na nakaiskedyul sa 2001 Calendar asin sa Pagsiyasat sa Kasuratan Aroaldaw, na mapoon sa Abril 3 asin matatapos sa aldaw kan Memorial, Abril 8.
◼ An mga asosyado sa kongregasyon maninigong ipadara paagi sa kongregasyon an gabos na new asin renewal na suskripsion para sa An Torrengbantayan asin Awake!, kaiba an saindang personal na mga suskripsion.
◼ An Sosyedad dai nagtatao nin mga kahagadan para sa literatura kan indibiduwal na mga parahayag. Maninigong iareglo kan nangengenot na paraataman na mag-anunsiar kada bulan bago ipadara sa Sosyedad an bulanan na kahagadan para sa literatura kan kongregasyon tanganing an gabos na interesadong kumua nin personal na mga literatura puedeng paaramon an tugang na nag-aasikaso kan literatura. Tabi girumdomon kun arin na mga publikasyon an special-request items.