Mga Paisi

◼ Alok sa Abril asin Mayo: Indibiduwal na mga kopya kan An Torrengbantayan asin Awake! Kun interesado an mga dinadalaw liwat, puedeng mag-alok nin mga suskripsion. Magdara nin librong Kaaraman o brosyur na Kahagadan para sa mga interesado, asin maghingoang makapoon nin mga pag-adal sa Biblia. Hunyo: An librong Kaaraman o brosyur na Kahagadan na may paghihingoang makapoon nin mga pag-adal sa Biblia3. Hulyo asin Agosto: Puedeng ialok an arin man sa mga brosyur. Minsan siring, huling kaluluwas kasuarin pa sana nin sarong bagong brosyur, an Puede Kang Magin Katood nin Dios!, marahay na iiba ini sa saindong alok.

◼ An 2000 na mga tomo kan Watchtower asin Awake! makukua na sa dai mahahaloy asin puede nang pedidohon ngonyan. Minsan siring, girumdomon na ini special-request items asin iyan maninigo sanang pedidohon kun igwa nin espesipikong kahagadan hale sa mga parahayag para kaini. Kun dai pa nag-abot an mga tomo pagkaresibi kan mga pedido, iyan ipaheheling bilang “back-ordered” asin ipadadara sa saindo an mga tomo kun iyan maresibi na hale sa Brooklyn.

◼ Kun naghuhulit sa napapasuway na mga lugar sa saindong teritoryo durante kan mga bulan nin tig-init, pinakamarahay na ialok an librong Kaaraman o an brosyur na Kahagadan. An gabos maninigong magdara nin laen-laen na pulyeto para sa mga mayo sa harong o para sa mga indibiduwal na dai nag-aako nin babasahon. Maninigong maghingoa na kultibaron an interes na nanompongan pagkatapos.

◼ An mga sekretaryo kan kongregasyon maninigong pirmeng magkaigwa nin bastanteng suplay kan mga pormang Application for Regular Pioneer Service (S-205) asin Application for Auxiliary Pioneer Service (S-205b). Puede ining pedidohon sa Literature Request Form (S-14). Pirmeng magkaigwa nin kisuerra sarong taon na suplay. Repasohon an gabos na pormang aplikasyon para sa regular payunir tangani na seguradohon na iyan nallenaran nin kompleto. Kun dai nagigirumdoman kan mga aplikante an eksaktong petsa kan saindang bautismo, maninigo nindang kalkulohon an petsa asin magkaigwa nin rekord kaiyan.

◼ Poon sa semana nin Hulyo 30, 2001, pag-aadalan niato an Isaiah’s Prophecy​​—Light For All Mankind I sa Pag-adal sa Libro kan Kongregasyon.

◼ Bagong mga Biblia sa Cebuano Asin Iloko: Kaoyon kan ipinaisi sa nakaagi pa sanang “Mga Paraotob kan Tataramon nin Dios” na Pandistritong mga Kombension, naoogma an Sosyedad na ipaaram sa gabos na Kongregasyon na Cebuano asin Iloko na an New World Translation of the Holy Scriptures sa mga lenguaheng ini puede na ngonyan na pedidohon sa Sosyedad. An edisyon na Iloko puede nang pedidohon tolos-tolos, mantang an edisyon na Cebuano puedeng pedidohon pakalihis kan Abril 1, 2001. Puede ining pedidohon kan mga kongregasyon sa Literature Request Form (S-14) sa dating paagi.