Mga Paisi
◼ Alok sa Agosto: Puedeng ialok an arin man sa mga brosyur, alagad nangorogna niamong ineenkaminar an pagdistribwir kan minasunod na apat na brosyur kun igwa kaiyan sa lenguahe nindo: Sarong Libro Para sa Gabos na Tawo; Puede Kang Magin Katood nin Dios!; A Satisfying Life—How to Attain It; Ano an Nangyayari sa Sato kun Kita Magadan? Setyembre: Life—How Did It Get Here? By Evolution or by Creation? Oktubre: Indibiduwal na mga kopya kan An Torrengbantayan asin Awake! Sa mga pagdalaw liwat, an mga parahayag puedeng mag-alok na ihatod an mga magasin nin regular, na may pasohan na makapoon nin pag-adal sa Biblia. Nobyembre: Iaalok an librong Kaaraman o brosyur na Kahagadan. Kun igwa na kaini an mga kagharong, puedeng gamiton an ibang haloy nang publikasyon.
◼ An nangengenot na paraataman o saro na iinasignar nia maninigong siyasaton an kuenta kan kongregasyon sa Setyembre 1 o sa pinakamadaling panahon pakalihis kaiyan. Kun nagibo na ini, ipaisi sa kongregasyon pakabasa kan masunod na report sa kuenta.
◼ Maninigong gibohon an taonan na imbentaryo kan gabos na literatura asin magasin na nasa istak sa Agosto 31, 2002, o sa pinakamadaling panahon pakalihis kaiyan. An imbentaryong ini kapareho kan aktuwal na pagbilang na ginigibo nin bulanan kan nagkokoordinar kan literatura, asin maninigong ilaog an mga total sa pormang Literature Inventory (S-18). Puedeng kuanon an total na kabilangan nin mga magasin na nasa istak sa mga nag-aasikaso kan magasin sa lambang kongregasyon sa grupo nin literatura. Maresibi an lambang nagkokoordinar na kongregasyon nin tolong pormang Literature Inventory (S-18) kaiba kan kuenta kan Hunyo. Ipadara tabi an orihinal sa sangang opisina dai malihis sa Setyembre 6. Isaray an ikaduwang kopya para sa saindong mga file. Puedeng gamiton na work sheet an ikatolong kopya. An imbentaryo maninigong direhiran kan sekretaryo kan nagkokoordinar na kongregasyon. Sia asin an nangengenot na paraataman kan nagkokoordinar na kongregasyon an mapirma sa porma.
◼ Kaiba kan kuenta kan Hunyo, maresibi an lambang kongregasyon nin duwang kopya kan Congregation Analysis Report (S-10). Kokompilaron kan sekretaryo kan kongregasyon an mga report tangani na mallenaran an pormang ini nin tama asin maayos, na pakatapos kaiyan maninigo iyan na maingat na siyasaton kan komite sa paglilingkod. Maninigong ipadara an orihinal sa sangang opisina pag-abot nin Setyembre 6. Isaray an duplikado sa saindong file.
◼ Maninigong ipadara na ngonyan sa sangang opisina an mga pedido para sa Pagsiyasat sa Kasuratan Aroaldaw—2003 asin 2003 Calendar. Ipadadara mi an special order blank para sa duwang ini kaiba kan kuenta kan Hunyo. Kun maresibi na nindo ini, llenaran iyan asin ibuelta iyan sa sangang opisina dai malihis sa Setyembre 6.
◼ Igwa pa nin panahon para sa mga nagpaplanong pumoon na magregular payunir sa kapinonan kan taon nin paglilingkod sa Setyembre 1 na isumitir an saindang aplikasyon. Pakaaprobaran kan komite sa paglilingkod maninigong ipadara iyan tolos-tolos sa sangang opisina tanganing an pag-aprobar maresibi bago Setyembre 1.