Repaso sa Teokratikong Paadalan sa Pagmiministro

Serado an librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyemre 2 sagkod Disyembre 23, 2002. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. An paghorophorop sa makangangalas na mga kualidad ni Jehova sarong mahalagang marhay na lakdang sa pagdayupot sa saiya. (Sal. 143:5) [w00-BI 10/15 p. 4 par. 6]

2. An pagsusugpon kan duwang sogkod na nasambitan sa Ezequiel 37:15-​24 igwa nin modernong katimbang huli ta kan 1919 an fiel na mga linahidan pinagsararo sakop ni Cristo, an saindang “sarong hade” asin “sarong pastor.” [Semanal na babasahon sa Biblia; helingon an w88-BI 10/1 p. 23 par. 13 (w88-E 9/15 p. 25 par. 13).]

3. Minsan ngani kinuestion kan mas halangkaw na mga kritiko sa Biblia an pagigin makasaysayan kan libro nin Daniel, biyong hinale kan arkeolohikong mga diskobremiento sa nag-aging mga taon an saindang mga deklarasyon. [si-E p. 138 par. 4]

4. Kun an nadadangog niato hale sa garo baga may autoridad na ginikanan o sa saro na naghihingakong igwa nin dakulang kaaraman, mayo nin marigon na dahelan na haboan iyan bilang falso. [w00-BI 12/1 p. 30 par. 7-8 (w00-E 12/1 p. 29 par. 7-8)]

5. An pananaram na “an sadit na mga propeta” angay na naglaladawan sa mas dikit na importansia kan huring 12 libro kan Hebreong Kasuratan. [si-E p. 143 par. 1]

6. Si Amos saro sa “mga aki kan mga propeta” kan sia apodon asin sugoon ni Jehova na maghula sa Juda asin Israel. (2 Ha. 2:3) [si-E p. 148 par. 1]

7. Ihinula kan Abdias 16 an pagkapara kan nasyon kan mga Edomita bilang resulta kan saindang pagkaongis sa Juda. (Abd. 12) [Semanal na babasahon sa Biblia; helingon an w89-E 4/15 p. 30 kahon.]

8. Kaiba sa “dalisay na tataramon” na sinabi sa Sofonias 3:9 an tamang pakasabot sa katotoohan manongod sa Dios asin sa saiyang mga katuyohan. [Semanal na babasahon sa Biblia; helingon an w01-BI 2/15 p. 27 par. 18.]

9. An dahelan na si Jesus nakamate nin grabeng sakit sa emosyon sa hardin nin Getsemani iyo na nahahadit sia manongod sa kun ano an magigin epekto ki Jehova asin sa Saiyang banal na ngaran kan saiyang kagadanan bilang dinuduhaging kriminal. (Mat. 26:38; Luc. 22:44) [w00-BI 11/15 p. 23 par. 1]

10. An “Filisteo” na magigin “arog nin sarong sheik sa Juda,” na sinabi sa Zacarias 9:​6, 7, makahulang naglaladawan sa mga miembro kan ibang karnero ngonyan na sinasanay kan “fiel asin may diskresion na oripon” asin tinatawan nin autoridad kun kaipuhan. (Mat. 24:45) [Semanal na babasahon sa Biblia; helingon an w95-BI 7/1 p. 23 par. 14.]

Simbagon an minasunod na mga hapot:

11. Paano an satong paninimbagan na maghulit ikakokomparar sa paninimbagan ni Ezequiel bilang bantay? (Ezeq. 33:​1-​11) [Semanal na babasahon sa Biblia; helingon an w88-BI 1/1 p. 20 par. 13 (w88-E 1/1 p. 28 par. 13).]

12. Anong pagkakaagid sa bisyon ni Ezequiel mapadapit sa marang mga tolang an naheling sa presenteng mga panahon? (Ezeq. 37:​5-​10) [Semanal na babasahon sa Biblia; helingon an w88-BI 10/1 p. 22 par. 12 (w88-E 9/15 p. 24 par. 12).]

13. Ano an pinakanakakokombensir na prueba na ipinasabong nin Dios an libro nin Zacarias? [si-E p. 169 par. 5]

14. Ano an irinerepresentar kan siudad sa bisyon ni Ezequiel? (Ezeq. 48:15-​17) [Semanal na babasahon sa Biblia; helingon an w99-BI 3/1 p. 18 par. 22.]

15. Paano puedeng ipangatanosan basado sa Isaias 2:2-4 na an mga nangyayari sa Israel ngonyan dai espesipikong nakaootob sa hula kan Biblia? [rs-E p. 223 par. 3]

16. Anong leksion an manonodan sa reaksion ni Daniel sa dekreto kan hade na daing pakimaherak na gigibohon sa siisay man na dios o tawo apuera sa hade sa laog nin 30 aldaw? (Dan. 6:​7-​10) [Semanal na babasahon sa Biblia; helingon an dp-E p. 125 par. 25-​8.]

17. Sa pagbalangibog kan anong mensahe ni Jehova na an natatada nagin siring sa leon sa tahaw kan mga nasyon? (Miq. 5:8) [Semanal na babasahon sa Biblia; helingon an w81-E 7/15 p. 23 par. 10.]

18. Ano an kahulogan kan pananaram na “paagi sa saiyang sadiring mga sogkod pinalagbasan mo an payo kan saiyang mga parapakilaban,” sa Habacuc 3:14? [Semanal na babasahon sa Biblia; helingon an w00-BI 2/1 p. 22 par. 15; w81-E 8/1 p. 29 par. 6-7.]

19. Ano an ipinaririsa kan paggamit kan tataramon na “tibaad” sa Sofonias 2:3? [Semanal na babasahon sa Biblia; helingon an w01-BI 2/15 p. 19 par. 8.]

20. Segun sa Zacarias 8:​6, kan mga taon poon kan 1919, paano nagibo ni Jehova an tibaad garo baga depisil na marhay sa punto de vista nin tawo? [Semanal na babasahon sa Biblia; helingon an w96-BI 1/1 p. 16 par. 18-19.]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. Kita nakikipag-olay ki Jehova paagi sa ․․․․․․․․, na iyo an may pagsambang pakipagkomunikar sa Dios; an pangenot man na paagi na sia nakikipag-olay sa sato iyo an saiyang ․․․․․․․․. (Sal. 65:2; 2 Tim. 3:16) [w00-BI 10/15 p. 5 par. 2-3]

22. Si Jesu-Cristo masasabing iyo si Miguel paagi sa pagkomparar kan Judas 9 asin 1 Tesalonica 4:​16 (Revised Standard), na dian an pagboot ni Jesu-Cristo na ponan an pagbuhay liwat ilinaladawan bilang “․․․․․․․․”; dugang pa, an ngaran na Miguel nangangahulogan “․․․․․․․․,” na malinaw na nagpaparisa na si Jesus an nangengenot sa pagsuportar sa soberaniya ni Jehova asin paglaglag sa mga kaiwal nin Dios. [rs-E p. 218 par. 1-2]

23. An “pagluwas kan pagboot na ibalik sa dati asin itogdok liwat an Jerusalem” nangyari kan ․․․․․․․․, na iyo an tanda kan kapinonan kan 69 semana nin mga taon, na natapos sa paglataw kan Mesiyas kaidtong ․․․․․․․․. (Dan. 9:25) [Semanal na babasahon sa Biblia; helingon an dp-E p. 190 par. 20–​​p. 191 par. 22.]

24. An Joel 2:​31, na nagsasabi manongod sa pagdiklom kan saldang, kapareho kan Mateo 24:​29, 30, na dian ilinaladawan ni ․․․․․․․․ an saiyang pagdatong bilang an Aki nin tawo na may ․․․․․․․․. [si-E p. 147 par. 13]

25. An hula ni ․․․․․․․․ may labot sa Asiria asin sa kabiserang siudad kaiyan, an ․․․․․․․․, ilinalangkaw an hustisya asin supremasiya ni Jehova patin nagtatao sa sato nin kompiansa na si Jehova matao nin maninigong hustisya sa gabos na maraot. [si-E p. 160 par. 11]

Pilion an tamang simbag sa kada saro sa minasunod na mga pahayag:

26. Idinodoon kan libro nin Ezequiel na si Jehova (matinao; mapakumbaba; banal) asin ipinaaaram na (an pagtalubo kan personalidad nin saro; an santipikasyon kan ngaran ni Jehova; an pagigin marahay na kapwa) mas importante kisa ano pa man na ibang bagay. [si-E p. 137 par. 33]

27. Si Ezequiel, na katemporanyo ni Daniel, nagpapatunay na si Daniel totoong tawo, na nasasambitan an ngaran nia kaiba ni (Noe asin Job; Moises asin Josue; Elias asin Eliseo). [si-E p. 138 par. 2]

28. Kaoyon kan Daniel 2:​34, 35, 45, an gapo na tuminama asin ruminonot sa imahen nagrerepresentar sa (Armagedon; epektibong marhay na mga mensahe nin paghokom na ibinabalangibog kan banwaan nin Dios; Mesiyanikong Kahadean). [si-E p. 142 par. 20, 23]

29. An simbolikong nasyon nin mga doron na nasambitan sa Joel 1:​4-6 nagrerepresentar sa (nasyon nin Israel; linahidan na mga Kristiano; mga hukbo nin Roma). (Gibo 2:​1, 14-​17) [Semanal na babasahon sa Biblia; helingon an w98-BI 5/1 p. 9 par. 9.]

30. An “kahadean kan Aki nin saiyang pagkamoot” na nasambitan sa Colosas 1:13 iyo an (Mesiyanikong Kahadean; pamamahala ni Cristo sa Kristianong kongregasyon poon kan Pentecostes 33 C.E. padagos; Sangribong Taon na Paghade ni Cristo). [rs-E p. 232 par. 4]

Ipadis an minasunod na mga teksto sa mga pahayag na nasa ibaba:

Os. 6:6; Joel 2:32; Zac. 4:​6, 7; 13:3; Roma 12:2

31. Dai niato pagtogotan an kultural o sekular na mga pamantayan kan sistemang ini nin mga bagay na makaimpluwensia sa satong kaisipan. [w00-E 11/1 p. 21 par. 5]

32. An nakapaoogma sa Dios, bakong an kadakoldakol na atang na idinodolot sa pormalistikong paagi, kundi an mga kapahayagan nin maimbod na pagkamoot basado sa pakamidbid sa saiya. [Semanal na babasahon sa Biblia; helingon an si-E p. 145 par. 16.]

33. Mahalagang marhay para sa kaligtasan an pakamidbid, paggalang, asin pagsarig sa persona na igwa kan banal na ngaran. [Semanal na babasahon sa Biblia; helingon an w89-E 3/15 p. 30 kahon.]

34. Nahahaman an katuyohan nin Dios, bakong huli sa ano man na kakayahan nin tawo, kundi paagi sa saiyang espiritu, na nagpapangyari sa mga lingkod nia na mapangganahan an garo-bukid na mga balakid asin makapadagos sa paglilingkod sa Dios. [si-E p. 169 par. 2]

35. An kaimbodan na dian midbid an organisasyon ni Jehova minalabi pa sa gabos na relasyon nin tawo, arog baga kan haraning magpaparyente sa laman asin dugo. [si-E p. 171 par. 24]