Mga Paisi

◼ Alok sa Pebrero: Puedeng ialok magsalang an librong Creation o an librong Revelation Climax. Marso: Iaalok an librong Kaaraman na may paghihingoang makapoon nin mga pag-adal sa Biblia. Abril asin Mayo: Indibiduwal na mga kopya kan An Torrengbantayan asin Awake! Sa mga dinadalaw liwat, an mga parahayag puedeng mag-alok na ihatod nin regular an mga magasin, na may pasohan na makapoon nin pag-adal sa Biblia.

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa katapusan kan Pebrero. Sa panahon na iyan maninigong nakareport na sinda nin mga 420 oras. Kun an siisay man nadedepisilan na maabot an kahagadan na oras, maninigong iareglo kan kamagurangan na magtao nin tabang tangani na mahipnoan ninda an nawarang oras durante kan natatada pang anom na bulan kan taon nin paglilingkod. Para sa mga suhestion, repasohon an taonan na surat na S-201 na may petsang Oktubre 1, 2002.

◼ Maninigong siyasaton an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun nagibo na ini, ianunsiar sa kongregasyon pakatapos na basahon an sunod na report sa kuenta.

◼ Sa Domingo, Pebrero 16, 2003, magkakaigwa nin miting kaiba an gabos na nagpaplanong mag-auxiliary payunir durante kan mga bulan nin Marso, Abril, asin Mayo. Ineenkaminar an gabos na umatender. Pangengenotan kan paraataman sa paglilingkod an miting, na sinisierto na igwa nin supisyenteng Application for Auxiliary Pioneer Service na ididistribwir sa gabos na maatender sa miting na ini.

◼ An ano man na mga pagtiripon na regular nang nakaiskedyul sa Mierkoles, Abril 16, 2003 maninigong gibohon sa ibang aldaw durante kan semana kan Memorial.

◼ An espesyal na pampublikong pahayag na itatao sa Abril 27, 2003 may temang “Nagdatong Na daw an Oras nin Paghokom sa Babilonya?” An mga kongregasyon na dinadalaw kan paraataman sa sirkito, may espesyal na aldaw nin asamblea, o pansirkitong asamblea sa katapusan kan semana nin Abril 26-27, 2003, maninigong iiskedyul an espesyal na pampublikong pagtiripon sa Mayo 4, 2003.

◼ Makukuang Bagong mga Publikasyon:

Draw Close to Jehovah​—Bicol, Cebuano, Hiligaynon, Iloko, Ingles, Intsik, Pangasinan, Samar-Leyte, Tagalog

Worship the Only True God​—Cebuano, Hiligaynon, Iloko, Ingles, Intsik, Pangasinan, Tagalog

◼ Makukuang Bagong Videocassette:

Respect Jehovah’s Authority​—Ingles (Ini an drama na nagtotokar sa pagrebelde ni Core na nadalan sa 2001-2 na pandistritong mga kombension.)