Mga Paisi
◼ Alok sa Agosto: Puedeng ialok an arin man sa mga brosyur, alagad marahay na espesyalmenteng itampok an brosyur na A Satisfying Life—How to Attain It. Setyembre: Life—How Did It Get Here? By Evolution or by Creation? Oktubre: Indibiduwal na mga kopya kan An Torrengbantayan asin Awake! Sa mga pagdalaw liwat, an mga parahayag puedeng mag-alok na ihatod an mga magasin nin regular, na may pasohan na makapoon nin pag-adal sa Biblia. Nobyembre: Puedeng itampok an librong Kaaraman o brosyur na Kahagadan. Kun igwa na kaini an mga tawo, ialok an librong Worship God o an sarong haloy nang publikasyon.
◼ Poon sa semana nin Oktubre 20, 2003, pag-aadalan kan mga kongregasyon sa Cebuano, Hiligaynon, Iloko, Pangasinan, asin Tagalog an Worship the Only True God sa Pag-adal sa Libro kan Kongregasyon. Pag-aadalan kan mga kongregasyon sa Bicol asin Samar-Leyte an librong Nagkakasararo sa Pagsamba huli ta mayo kan librong Worship God sa saindang lenguahe.
◼ An nangengenot na paraataman o saro na iinasignar nia maninigong siyasaton an kuenta kan kongregasyon sa Setyembre 1 o sa pinakamadaling panahon pakalihis kaiyan. Kun nagibo na ini, ipaisi sa kongregasyon pakabasa kan masunod na report sa kuenta.
◼ Maninigong gibohon an taonan na imbentaryo kan gabos na literatura asin magasin na nasa istak sa Agosto 31, 2003, o sa pinakamadaling panahon pakalihis kaiyan. An imbentaryong ini kapareho kan aktuwal na pagbilang na ginigibo nin bulanan kan nagkokoordinar kan literatura, asin maninigong ilaog an mga total sa pormang Literature Inventory (S-18). Puedeng kuanon sa (mga) lingkod sa magasin an total na kabilangan nin mga magasin na nasa istak. An imbentaryo maninigong direhiran kan sekretaryo kan nagkokoordinar na kongregasyon. Sia asin an nangengenot na paraataman kan nagkokoordinar na kongregasyon an mapirma sa porma. Maresibi an lambang nagkokoordinar na kongregasyon nin tolong pormang Literature Inventory (S-18) kaiba kan kuenta kan Hunyo. Ipadara tabi an orihinal sa sangang opisina dai malihis sa Setyembre 6. Magsaray nin kopya para sa saindong mga file. Puedeng gamiton na work sheet an ikatolong kopya.
◼ Kaiba kan kuenta kan Hunyo, maresibi an lambang kongregasyon nin duwang kopya kan Congregation Analysis Report (S-10). Kokompilaron kan sekretaryo kan kongregasyon an mga report tangani na mallenaran an pormang ini nin tama asin maayos, na pakatapos kaiyan maninigo iyan na maingat na siyasaton kan komite sa paglilingkod. Maninigong ipadara an orihinal sa sangang opisina pag-abot nin Setyembre 6. Isaray an duplikado sa saindong file.
◼ Maninigong ipadara na ngonyan sa sangang opisina an mga pedido para sa Pagsiyasat sa Kasuratan Aroaldaw—2004 asin 2004 Calendar. Mapadara kami nin special order blank para sa duwang ini kaiba kan kuenta kan Hunyo. Kun saro sanang kongregasyon an naggagamit kan Kingdom Hall, maninigo ining llenaran kan lingkod sa literatura asin ibuelta iyan sa sangang opisina pag-abot nin Setyembre 6. Kun nagkapirang kongregasyon an naggagamit kan Kingdom Hall, titiponon kan nagkokoordinar kan literatura an mga pedido kan lambang kongregasyon asin pag-iiribanon sa sarong order blank na ipadadara sa sangang opisina.